Որպեսզի իմպիչմենտի գործընթացը դրական արդյունքի բերի, միաժամանակ պետք է չորս բաղադրիչ տեղի ունենա: Այս մասին լրագրողների հետ զրույցում նշեց ԱԺ «Հայաստան» խմբակցության պատգամավոր Արմենուհի Կյուրեղյանը։
«Առաջինը՝ պետք է 36 պատգամավոր ստորագրեն, որ նախաձեռնում են իմպիչմենտի գործընթացը, երկրորդ, որ պետք է անպայման այդ նամակի մեջ, որով դիմում են ԱԺ–ին, ներկայացված լինի վարչապետի իրենց թեկնածուն, երրորդ, որ պետք է 72 ժամվա մեջ նիստը կայանա և 72 ժամվա մեջ Ազգային ժողովը որոշում կայացնի վարչապետին անվստահություն հայտնելու վերաբերյալ։ Այս ամենը պետք է միաժամանակ տեղի ունենա, որպեսզի մենք համոզված լինենք, որ սա դրական արդյունք կտա և սկսենք այս գործընթացը։
Ենթադրենք, 36 ստորագրությունը հավաքվեց, մենք համոզված ենք, չէ՞, որ էն 18 քվեն, որ անվստահություն հայտնելու համար պետք է տային ՔՊ-ականները, պետք է մենք արդեն ապահոված լինենք։ Մենք առավել քան համոզված ենք, որ որպեսզի մենք կարողանանք ապահովել 18 քվե ՔՊ-ից, մենք պետք է ունենանք հանրային մեծ ճնշում փողոցում։ Հիմա այստեղից հարց՝ արդյո՞ք Էդմոն Մարուքյան թեկնածուն էն թեկնածուն է, որը պետք է առաջացնի էն հզոր փողոցային ճնշումը, որը կբերի 18 քվե։ Սա շատ լուրջ հարց է։ Բացի դա, արդյո՞ք Էդմոն Մարուքյանը, ըստ էության, ինքը այդ հանրության ճնշում առաջացնող թեկնածուն է և արդյոք Էդմոն Մարուքյանը այն թեկնածուն է, որը հականիկոլիզմի պայքարի թեկնածուն պետք է լինի։ Ես խիստ կասկածներ ունեմ այդ ուղղությամբ»,- նշեց նա։
Մանրամասն՝ տեսանյութում։
