«Առաջին հերթին կուզեմ խոսել այս իշխանությունների կողմից քար լռության արժանացող, բայց Ալիևի կողմից արդեն տարիուկես ամեն օր բարձրաձայնվող և թմբկահարվող՝ 300 000 ադրբեջանցիների Հայաստան բնակեցնելու թեզի մասին։ Ադրբեջանը, Ալիևն ու իր շրջապատը, ամեն օր խոսում են դրա մասին, իսկ մեր իշխանությունները ոչ միայն լռում են, այլ նաև ասում են՝ հանկարծ չխոսեք, թե չէ պատերազմ կլինի։ Ալիևը խոսում է՝ խաղաղություն է, մենք խոսում ենք՝ պատերազմ է։
Իսկ ինչո՞ւ են նրանք այսքան լուռ։ Ո՛չ, ընկերներ ջան, նրանք լուռ չեն։ Նրանք շատ տափուկ իրենց քաղաքականություն են վարում, որպեսզի ապահովեն այդ 300 000 ադրբեջանցիների բնակեցումը Հայաստանում։ Նրանք չեն մերժում այդ թեզը, բայց դրա փոխարեն Արսեն Թորոսյանը, անմիջապես Ալիևից հետո, ելույթ է ունենում և ասում. «Մենք պետք է լուծենք ժողովրդագրության խնդիրը, մենք պետք է կազմակերպված, կանխատեսելի և կառավարելի ներգաղթ ապահովենք», բայց նաև ավելացնում է, որ այդ ներգաղթողները հայեր չեն լինելու։ Սա իրենց խոսնակի խոսքն է։
Այսինքն՝ բա ո՞վքեր են լինելու այդ ներգաղթողները։ Թե՞ անմիջապես արձագանքում են Ալիևին, որ այո՛, մենք դա անելու ենք»,- այս մասին այսօր՝ մայիսի 29-ին, Սպիտակում քաղաքացիների հետ հանդիպման ընթացքում հայտարարեց «Հայաստան» խմբակցության պատգամավոր Արմենուհի Կյուրեղյանը։
Մանրամասն՝ տեսանյութում։
