Օրվա իշխանությունները, որպես իրենց բրենդային ձեռքբերում, այստեղ, այլուր և ամենուր խոսում են մեր երկիրը ժողովրդավարության բաստիոն դարձնելու, կոռուպցիան երկրում արմատախիլ անելու մասին, ընդ որում արդեն կատարված փաստ որպես։ Այս մասին այսօր՝ մարտի 5-ին, հայտարարեց ԱԺ «Հայաստան» խմբակցության պատգամավոր Արմենուհի Կյուրեղյանը։
«Իսկ երեկ էլ պարզվեց, որ պեռաշկիով ու կուկռուզով նկարներն իրենց միջազգային նոր ճանաչում են բերել։ Սիրելի հայրենակիցներ, հիշում եք 2020 թվականի մարտ ամիսը, երբ որ ամբողջ աշխարհը սկսել էր հնարավոր ու անհնար ամեն քայլի դիմել, որպեսզի քովիդը իրենց քիչ տարածվեր, իսկ մեր իշխանությունը նույն մարտին հանրահավաքների շարք էր սկսել, քարոզարշավի էր դուրս եկել, իսկ քովիդի դեմ առաջարկում էր ընդամենը պայքարել պինցետով ու տնական օղիով։ Դեժավյու:
Հիմա էլ ամբողջ աշխարհը մտահոգված է հենց մեր տարածաշրջանում, հենց մեր հարևան երկրում պատերազմով, իսկ մեր երկրի իշխանությունը առաջարկում է պեռաշկիով ու կուկուռուզով աշխարհին օրինակ ցույց տալ, թե ինչպես չանհանգստանալ: Այստեղ են ասել՝ անհաղթ հերոս Քաջ Նազար, մի պերաշկիով կոտրի հազար»,- ասաց նա:
Մանրամասն՝ տեսանյութում։
