«Հիմա ասեմ, թե ինչ է կոռուպցիան ուղիղ առարկայական՝ ինչպես է արտահայտվում այդ պոզով-պոչով կենդանին, որը նեպոտիզմի շրջանակում մտել է ՔՊ-ի շարքերն ու դուրս չի գալիս։
Օրինակը շատ առարկայական բերեմ. Երևան քաղաքը մրցույթ է հայտարարում «Ժոնգթոնգ» (Zhongtong) ավտոբուսներ ձեռք բերելու համար՝ ասելով, թե ուզում ենք գնել։ Մասնակցում է մի ընկերություն (հետո առանձին կխոսեմ, թե ոնց է մասնակցում)։ Գալիս են ավտոբուսները, ու ի՞նչ է պարզվում․ այս 150 ավտոբուսների երկու նստարանը պակաս է, չկա։
Ու գուշակեք՝ ինչ է լինում. փոխանակ ասեն. «Ախպե՛ր ջան, քանի որ երկու նստարանը պակաս է, ուրեմն այդ փողը մի քիչ պետք է պակաս լիներ», կամ՝ «Արի՛ այստեղ, դու ո՞վ ես, որ մեր հարկատուների փողը վերցրել-կերել ես ու երկու նստարան պակաս ես արտադրել» (նախ՝ «Ժոնգթոնգը» չինականի իսկական «Ժոնգթոնգը» չէր, բայց դա մի կողմ, դրա մասին էլ կպատմեմ)։
Ի՞նչ է լինում․ գնում են կառավարության չզեկուցվող հարցերով, ասում են՝ «Ամեն ինչ հրաշալի էր, օքե՛յ», ու նստում է Երևան քաղաքի բյուջեի վրա։ Սա կոռուպցիայի դրսևորում է։ Դրա դիմաց պետք է մեկը դատվեր, իսկ ավել տված փողը հետ վերցվեր։ Բայց ո՛չ այն է եղել, ո՛չ էլ այն»,- այս մասին ԱԺ իր ելույթում ասաց «Հայաստան» խմբակցության պատգամավոր Մեսրոպ Մանուկյանը։
Մանրամասն՝ տեսանյութում։
