Ուկրաինայի նախագահ Վոլոդիմիր Զելենսկին ճեպազրույցի ժամանակ հայտարարել է, որ կան ինչպես սպասված, այնպես էլ շատ անսպասելի երկրներ, որոնք պատրաստ են զորքեր ուղարկել Ուկրաինա՝ Ռուսաստանի հետ պատերազմի ավարտից հետո, հաղորդում է ՌԲԿ-Ուկրաինան։
Զելենսկին նշել է, որ այն երկրներից, որոնք պատրաստ են զորքեր ուղարկել Ուկրաինա, դեռևս հաստատումներ և կոնկրետ տեղեկություններ չկան։
«Ես կարծում եմ, որ հաստատումը այն է, երբ երկիրը թվերով կոնկրետ նշում է, թե ինչի է պատրաստ։ Տեսականորեն մենք գիտենք մի քանի երկրներ, որոնք պատրաստ են նման քայլերի։ Կան սպասելի երկրներ և կան շատ անսպասելիներ, այսպես ասեմ։ Բայց դա ինտրիգի համար չէ, ես պարզապես կիսվում եմ նրանով, ինչ ունենք», — ասել է Ուկրաինայի նախագահը։
