Պարսից ծոցի տարածաշրջանում Իսրայելի հնարավոր ռազմական գործողությունները կարող են լուրջ վնաս հասցնել գազի միջազգային շուկաներին։ Այս մասին հայտարարել է Իրանի ԱԳ նախարար Աբբաս Արաղչին:
«Գազի մատակարարներն ու սպառողները մտահոգված են, որ Պարսից ծոցում Իսրայելի հնարավոր ռազմական արկածախնդրությունը կարող է կործանարար ազդեցություն ունենալ միջազգային շուկաների վրա»,- գրել է Արաղչին՝ X սոցիալական ցանցում։
Նա նաև նշել է, որ Մոսկվայում կայացած Գազ արտահանող երկրների ֆորումի (GECF) ութերորդ գագաթնաժողովը նպաստել է Իրանի էներգետիկ դիվանագիտության զարգացմանը։ Արաղչիի խոսքով՝ հանդիպման ընթացքում քննարկվել են գազի համաշխարհային շուկաներին և էներգետիկ անվտանգությանը վերաբերող հարցեր։
