Այսօր վաղ առավոտյան Իրանի վրա առաջին հարվածների ժամանակ օգտագործվել է Իսրայելի ռազմաօդային ուժերի ավելի քան 200 ինքնաթիռ, մամուլի ասուլիսում հայտարարել է Իսրայելի պաշտպանության բանակի խոսնակ, բրիգադի գեներալ Էֆի Դեֆրինը։
Նա ասել է, որ հարվածների ժամանակ ինքնաթիռները նետել են ավելի քան 330 զինամթերք՝ հարվածելով ավելի քան 100 թիրախի։
Դեֆրինը նաև հաստատել է, որ Իսրայելի հարվածների հետևանքով զոհվել են մի քանի բարձրաստիճան իրանցի պաշտոնյաներ, այդ թվում՝ Իրանի ռազմական հրամանատար Մոհամմադ Բաղերին, ԻՀՊԿ գլխավոր հրամանատար Հոսեյն Սալամին և Խաթամ ալ-Անբիա կենտրոնական հրամանատարության ղեկավար Ղոլամ Ալի Ռաշիդը։
Նա հավելել է, որ զոհվել են նաև այլ պաշտոնյաներ։
