«Այստեղ փորձ կատարվեց նորից անդրադառնալ մեր ընկերոջ՝ Արթուր Սարգսյանի գործին՝ «Սրբազան պայքարից» հետո Սրբազանի նկատմամբ հարուցված այդ ամբողջ շինծու քրեական գործին, խեղաթյուրելով փաստերն ու փաստական հանգամանքները։
Ես ուղղակի ուզում եմ հիշեցնել նախորդ տարի, երբ գլխավոր դատախազն այստեղ եկավ, և սրանով ցույց տալ նաև գործի աբսուրդը։ Երբ նա եկավ, շատ մեծ քննարկման թեմա դարձավ այն, որ Արթուր Սարգսյանն ասել է՝ պիտի գնանք, բոյ ենք տալու։ Այ այս «բոյ տալը» շատ պատգամավորներ, կոնկրետ անուններ չեմ հիշում, շատ անընդհատ կրկնում էին։
Իսկ գործը, եթե կհիշեք, արդեն հունիսի 25-ին էր, երբ ձերբակալեցին Բագրատ Սրբազանին, և այդ դրվագը կոնկրետ վերաբերում էր մի ցույցի, որը պետք է լիներ հունիսի 20-ին, որը չի եղել։ Այսինքն՝ այդ մի բանը, որ խոսվել է, հետո, երբ այդ բոլոր պրոցեսները եղել են, պարզվել է, որ չի եղել․ իրենք ցույց չեն արել, բնականաբար ոչ էլ «բոյ են տվել»։ Բոլորս էլ հասկանում ենք՝ «բոյ տալն» ինչ կոնտեքստում է ասվում, դա բառացի չէ, բայց այսպիսի պրիմիտիվ ձևով մարդկանց մոլորեցնելու համար այս ամեն ինչն օգտագործվել է։
Հիմա ասում եմ՝ փաստացի դա արդեն չէր եղել, այդ գործողությունը։ Նույն ձևով շատ են այն ձայնագրությունները, որոնք այստեղ մեջբերվում են, իսկ հետո շարունակության մեջ կան ձայնագրություններ, որտեղ հենց իրենք՝ խոսողները, դա հերքում են, որովհետև տարբեր առաջարկներ կարող են լինել, տարբեր մոտեցումներ կարող են լինել։ Հետո, երբ դա հերքվում է, այ սա չեն դնում։ Այ սա՛ է մանիպուլյացիան, երբ դնում են իրենց ուզած կտորը, իսկ մյուս շարունակությունը, որը դա հերքում է, չի դրվում։ Եվ սրա վրա հղում անելով՝ անընդհատ խախտվում է անմեղության կանխավարկածը»,- այս մասին ԱԺ հարցուպատասխանի ժամանակ ասաց «Հայաստան» խմբակցության պատգամավոր Լևոն Քոչարյանը։
Մանրամասն՝ տեսանյութում։
