Իրանը հարվածներ է հասցրել ԱՄԷ-ում և Բահրեյնում գտնվող ԱՄՆ-ի ռազմաբազաներին։ Այս մասին հայտնում է իրանական բանակի մամուլի ծառայությունը։
«Իրանի բանակի տասնյակ անօդաչու թռչող սարքեր հարվածներ են հասցրել ԱՄԷ-ում գտնվող «Ադ-Դաֆրա» և «Ալ-Մինհադ» ռազմաբազաների ռադարային համակարգերին և ամերիկյան զորքերի տեղակայման վայրերին։ Բահրեյնում գտնվող «Շեյխ Իսա» ռազմաբազայի ռադարային օբյեկտները և ամերիկյան բանակի՝ ահաբեկչական ուժերի տեղակայման վայրը կրկին ենթարկվել են անօդաչու թռչող սարքերի զանգվածային հարվածների», — ասվում է մամուլի հաղորդագրության մեջ, որի տեքստը հրապարակել է Tasnim-ը։
Բացի այդ, Իրանի իսլամական հեղափոխության պահապանների կորպուսը (ԻՀՊԿ) հայտնել է Քուվեյթում գտնվող «Ալի աս-Սալեմ» և Հորդանանում գտնվող ավիաբազաներին հասցված հարվածների մասին։
Ավելի վաղ ԱՄՆ զինված ուժերի Կենտրոնական հրամանատարությունը (CENTCOM) հայտարարել էր, որ ԱՄՆ-ի ուժերը ավարտել են Իրանի ռազմական օբյեկտների ուղղությամբ հարվածների հերթական շարքը։ Հարձակման թիրախում են եղել հակաօդային պաշտպանության միջոցները, ռադարները և կապի հանգույցները։
