Նիկոլ Փաշինյանը որտեղի՞ց է ճարելու կաթողիկոսի իր երազած տիպարը, որտեղի՞ց է ճարելու էն արքեպիսկոպոսներին, որոնք պիտի ընտրեն էդ կաթողիկոսին։ Այս մասին ԱԺ-ում լրագրողների հետ զրույցում ասաց պատգամավոր Հովիկ Աղազարյանը։
«Չկա տենց բան, նշանակում է իր նպատակը եկեղեցուն եթե ոչ ոչնչացնելն է, գոնե հնազանդեցնելն է, որը շատ վատ է։
Ես կարծում եմ՝ վարչապետը որևէ բան չի կարա անի, ես գիտեմ, որ եկեղեցում կան շատ ուժեղ պատրաստված անհատներ, էդ մակարդակի անհատներ, որոնք պետք է թույլ չտան, որպեսզի որևէ մեկը իր քիթը խոթի եկեղեցու գործերի մեջ»,–ասաց նա։
Հարցին՝ արդյոք կլինեն քաղաքացիական բախումներ, քանի որ Փաշինյանը կոչ է անում, որ հավատավոր ժողովուրդը դուրս գա պայքարի և հեռացնի կաթողիկոսին, Աղազարյանը պատասխանեց. «Կարող է և հասնի այդ հանգամանքին, որովհետև եթե Նիկոլ Փաշինյանը կոչ է անում այն մի թևին, մյուսները կարող են կոչ անել մյուս թևին։ Երբ այս ամենն այսօր է տեղի ունենում, անհանգստությունից սարսռում ես, որ սրա հետևում ինչ-որ բան է թաքնված, որ պիտի տեղի ունենա և հետո մենք արդեն չկարողանանք բան անել։
Սրա հիմքում ընկած է այն հանգամանքը, որ Նիկոլ Փաշինյանը հայտարարեց, որ պետությունը, իշխանությունը չի զբաղվելու Արցախի խնդրով, ինչի հետ ես միանշանակ համաձայն եմ։ Բայց թույլ չտալ եկեղեցուն զբաղվել այդպիսի խնդիրներով, որ հենց եկեղեցու սկզբունքներից մեկն է, դա անհանգստացնող է»,–ասաց նա։
Մանրամասն՝ տեսանյութում։
