Ի դեպ, հունվարի 6-ին, Նիկոլ Փաշինյանը քայլարշավ էր կազմակերպել Սուրբ Գրիգոր Լուսավորիչ եկեղեցուց դեպի Սուրբ Աննա եկեղեցի, որի անունը դրել էին ուխտերթ։
Միջոցառմանը հազիվ մասնակցել է 2000 մարդ, բայց պարզվում է մեծամասնությունը տարբեր ոլորտի պաշտոնյաներ, աշխատողներ, ինչպես նաև ուժային կառույցների ծառայողներ էին։
Մասնավորապես, Yerevan.Today-ը պարզեց, որ «ուխտերթին» մասնակիցներ է ապահովել պաշտպանության նախարարությունը՝ Ռազմական ոստիկանության օղակից։ Ինչը, ի դեպ, քրեական օրենսգրքով նախատեսված արարք է։ Քաղաքական նպատակների համար օգտագործվել է պաշտպանության նախարարությունը։
Փաշինյանի հրապարակային միջոցառումները վաղուց է արդեն, որ կազմակերպվում են քաղաքացիական հագուստով ուժայինների, տարբեր մարզերից բերված՝ տարբեր պետական, համայնքային աշխատողների բերման ենթարկելու շնորհիվ։
Հարց է առաջանում․ եթե Նիկոլ Փաշինյանի կազմակերպած ուխտերթին մասնակցությունը ապահովվում է նախարարություններից, քաղաքապետարաններից և պետապարատի այլ ոլորտներից, դա եկեղեցու և հավատքի բարեկարգո՞ւմ է, թե՞ հավատարմության երթ։ Քանի՞ մարդ կգնա Փաշինյանի միջոցառումներին, եթե չլիներ վարչական ռեսուրսը։
