Ի դեպ, Նիկոլ Փաշինյանը ընտրություններից 3 ամիս առաջ խոստանում է, որ թոշակները բարձրանալու են 10 հազար դրամով։ 5 ամիս առաջ չկար նման մտադրություն։ Հիմնավորում էլ ուներ
2024-ին, օրինակ, Փաշինյանն ասում էր՝ եթե պաշտոնյաների ամբողջ աշխատավարձը և պարգևավճարները, ավտոներն էլ հետը, ավտոների սպասարկման ծառայությունն էլ հետը դնենք թոշակի վրա, թոշակառուների թոշակը կբարձրանա 9 հազար դրամով։ Բայց այդ թոշակը չենք կարողանա տալ, որովհետև բոլորին ազատած կլինենք աշխատանքից։
Թոշակները չբարձրացան ո՛չ 9, ո՛չ 1 հազարով, ինչը չի կարելի ասել պարգևավճարների մասին։ 2025 թվականին միայն Նիկոլ Փաշինյանն ու երկու փոխվարչապետերը ստացել են 51,6 մլն դրամ պարգևավճար, նախարարները՝ մինչև 9 մլն դրամ։ Թոշակը չբարձրացավ, որովհետև, ըստ Փաշինյանի, թոշակառուները չեն հասկանում, թե որտեղ կարելի է ծախսել այդ գումարը:
Հավանաբար այս ամիսների ընթացքում Փաշինյանը գտավ իր հարցերի պատասխանները, դրա համար եկավ այդ որոշման։ Գուցե։ Թերևս ոչ թե հարցերի պատասխաններն են գտնվել, այլ պարզապես մոտեցել են ընտրությունները։
