Ինձ համար ավելի հոգեհարազատ է, և կարծում եմ Հայաստանի համար ավելի արդյունավետ է կիսանախագահական համակարգը։ Այս մասին այսօր՝ ապրիլի 18-ին, Վանաձորում քաղաքացիների հետ հանդիպման ընթացքում հայտարարեց ՀՀ երկրորդ նախագահ Ռոբերտ Քոչարյանը։
«Թվում էր թե խորհրդարանական մոդելը պետք է լինի ավելի ժողովրդավարական, բայց դառել է ճիշտ հակառակը։ Երբ այն ժամանակվա ընդդիմադիրները ասում էին՝ սուպերվարչապետությունը պետք է դեմոնտաժվի, իրենք եկել են և ոչ թե դեմոնտաժել են, այլ հակառակը մի բան էլ ավելի ամրացրել են այդ մոդելը։
Սա մի քիչ զգայուն հարց է և այս հարցի շուրջ ուղղակի պետք է ավելի լայն քննարկումներ մենք ունենանք: Այն նախագահի պաշտոնը, որը կա այսօր ինձ համար ընդհանրապես հասկանալի չէ: Ով կա նախագահ, կամ պաղպաղակ է ուտելու երեխաների հետ, կամ դաշնամուր է նվագելու ինչ-որ մի տեղ, որովհետև այլ ֆունկցիա ուղղակի չունի, բայց այդ նույն նախագահը ունի մոտ 100 քանի, 130 թե 140 հոգի աշխատակազմ, որոնք նստած են լուրջ դեմքերով իբրև ինչ-որ բան են անում։ Թե ինչ են անում՝ չգիտեմ։ Ուղղակի այդ բյուջեում պետք է նախատեսել պաղպաղակի մի քանի ֆուռ տարվա ընթացքում, թե ինչքան պիտի ուտի կամ մի 15 հատ դաշնամուր բերեն, որ առավոտ 9-10-ը մեկի վրա նվագի, 10-ից մինչև 11-ը մեկ ուրիշի տարբեր սենյակներում, որ գոնե ինչ-որ բանով զբաղվեն:
Դրա համար, այո՛, մոդելի փոփոխություն պետք է, բայց կրկնեմ այդ միտքը ինքը զգայուն հարց է և պետք է ուղղակի ավելի լայն շրջանակներով քննարկել։ Սա նորմալ չի, երբ մեկ մարդ ունի անսահմանափակ իշխանություն։ Աննորմալ երևույթ է․ փոխելու ենք»,- նշեց նա։
Մանրամասն՝ տեսանյութում։
