Մենք չենք պատկերացնում սահմանափակ համագործակցություն, բաց ենք, պատրաստ ենք համագործակցության համար բոլոր այն ուժերի հետ, ում գնահատականները համընկնում են և ում նպատակը փոփոխությունն է: Այս մասին այսօր՝ հունիսի 19-ին, լրագրողների հետ զրույցում հայտարարեց ԱԺ «Հայաստան» խմբակցության պատգամավոր Քրիստինե Վարդանյանը։
«Թույլ տվեք նաև իշխող ուժի պատգամավորի հարցին, որ այսպես շատ ոգևորված ասում էր՝ Քրիստինե Վարդանյանին այս հարցերը կտաք, պատասխանեմ: Եռագլուխ, պատերազմի եռագլուխ դևը Նիկոլ Փաշինյանը, Ալիևը, Էրդողանն է: Մենք պատերազմի այդ եռագլուխ դևի հետ համագործակցություն չենք պատկերացնում, մենք պատկերացնում ենք պայքար իրենց դեմ, ու առաջինը այդ դևի ամենախամաճիկ, ամենակախված գլխի դեմ պայքարն է:
Այս ընտրություններից հետո ի՞նչ է կատարվել ձեր հետ: Հաղթանակ եք տոնել, ինչի՞ հաղթանակը չեք տոնում, ինչի՞ եք այսպես ավելի ագրեսիվ, ինչի՞ եք ավելի հիստերիկ, ինչի՞ եք ավելի գռեհիկ, անգամ երբ մենակ եք: Կարո՞ղ է ինչ-որ բան է պատահել, կարող է խոստացել էիք սահմանադրական մեծամասնություն և չեք կարողացել ստանալ, հիմա չգիտեք ոնց արդարանալ»,- նշեց նա։
Մանրամասն՝ տեսանյութում։
