«Հայաստան» դաշինքի անդամ Աննա Գրիգորյանը Հանրային հեռուստաընկերությամբ մեծ բանավեճի ընթացքում գործող իշխանությանը մեղադրեց Ադրբեջանի բոլոր պահանջները կատարելու մեջ։
«Գորիս-Կապան ճանապարհը ու՞մ պահանջով եք հանձնել»,-հարցրեց Գրիգորյանը՝ բանավեճի Քպ-ական մասնակից Ալեն Սիմոնյանին։
«Դա մեր պահանջն ա, այո, դա մեր պահանջով ա, դա ճանապարհ հանձնել չի, դա սահման գծել է»,-ասաց Ալեն Սիմոնյանը։
Գրիգորյանն էլ հարցրեց, թե երբ են այդ հատվածներում սահմանազատում արել և ինչ կանոնակարգով։
Ալեն Սիմոնյանն էլ շարունակաբար կրկնում էր, թե դա Հայաստանի տարածք չի։
Հատկանշական է, որ նույն բանավեճի ընթացքում ՀԱԿ անդամ Արամ Մանուկյանը ներկայացրեց Ալեն Սիմոնյանի տարբեր տարիներին արած հայտարարություններից, թե «Աղդամն իմ հայրենիքին է», «Փոխզիջման մասին որևէ խոսք գնալ չի կարող փոխզիջում արտահայտությունը պետք է հանել մեր բառապաշարից»։
Այնուհետև Մանուկյանն հավելեց․ «Մեր դժբախտությունները սկսվել են 2018 թ-ին, երբ էս մարդիկ մերժեցին եռանախագահության առաջարկները, և հիմա ինչքան էլ գոռան, ինչքան էլ պատռեն իրենց դրանից իրականությունը չի փոխվելու»,-ասաց Մանուկյանը։
