Ֆրանսիայի Սենատում բարձրացվել է Արցախի մշակութային ժառանգության պահպանության և գերիների ազատման հարցերը. ի՞նչ է անում Ֆրանսիան

7 Մայիսի, 2026

Ֆրանսիայի Սենատում Լեռնային Ղարաբաղի մասին միջազգային իրազեկման խմբի նախագահ, սենատոր Էտյեն Բլանը մայիսի 6֊ին հարց է ուղղել Ֆրանսիայի կառավարությանը, որին պատասխանել է ԱԳՆ ղեկավարը։
Հարցուպատասխանն ամբողջությամբ. Արտաքին գործերի պարոն նախարար,
Ադրբեջանի և Հայաստանի միջև բանակցություններն ու շփումները շարունակվում են՝ նպատակ ունենալով վերջ դնել Լեռնային Ղարաբաղի պատերազմից ծնված հակամարտությանը։
Սակայն, մինչ այդ բանակցությունները շարունակվում են, միջազգային հանրությունը տեղեկանում է, որ Ադրբեջանը Լեռնային Ղարաբաղում իրականացնում է դարավոր մշակութային և կրոնական ժառանգության լայնածավալ ոչնչացում։ Խոսքը վերաբերում է մայր տաճարների, եկեղեցիների, գերեզմանոցների և տարբեր այլ շինությունների։
Միաժամանակ, միջազգային հանրությունը տեսնում է, որ Լեռնային Ղարաբաղի 19 հայերը, որոնք այսօր պահվում են Բաքվում և դատապարտվել են միայն այն պատճառով, որ եղել են քաղաքական պատասխանատուներ և պատգամավորներ, ստացել են չափազանց ծանր պատիժներ։
Այսօր նրանք շարունակում են մնալ կալանքի տակ, և նրանց ազատ արձակումը ուշանում է։ Ամեն դեպքում, կարճ կամ միջնաժամկետ հեռանկարում որևէ հստակ հեռանկար չի երևում։
Ուստի, պարոն նախարար, իմ հարցը բավականին պարզ է։

Ո՞րն է Ֆրանսիայի դիվանագիտական ուղղությունը։ Ի՞նչ ռազմավարություն է այսօր որդեգրել մեր երկիրը՝ պաշտպանելու այս ժառանգությունը, որը ՅՈՒՆԵՍԿՕ-ի կողմից ճանաչված է որպես մարդկության և առանձնահատուկ զգայուն համաշխարհային ժառանգություն։ Ի՞նչ է անում կառավարությունը, և ի՞նչ է անում Ֆրանսիան՝ այս բազմադարյա ժառանգությունը պահպանելու համար։

Երկրորդ հարցը՝ ի՞նչ ջանքեր եք գործադրում, որպեսզի վերջապես ազատ արձակվեն այս բանտարկյալները, որոնք, ինչպես հաղորդվում է, պահվում են անմարդկային, չափազանց ծանր և բարդ պայմաններում, և որոնց ազատությանը սպասում են նրանց ընտանիքները և ողջ Հայաստանը։

Եվրոպայի և արտաքին գործերի նախարար Ժան-Նոել Բարոյի պատասխանը

Շնորհակալություն, պարոն նախագահ, հարգելի սենատորներ, պարոն սենատոր Էտյեն Բլան։
Նախ ցանկանում եմ ողջունել ձեր ներգրավվածությունը՝ ինչպես Լեռնային Ղարաբաղին նվիրված միջազգային իրազեկման խմբում, այնպես էլ Սենատի՝ Արևելքի քրիստոնյաների հետ կապերի խմբում, քանի որ Դուք բարձրացրեցիք քրիստոնեական ժառանգության հարցը։
Այս առաջին թեմայի վերաբերյալ, ինչպես գիտեք, մենք շատ ներգրավված ենք Արևելքի քրիստոնյաների շահերի պաշտպանության գործում՝ ամեն անգամ, երբ նրանց կրոնական ազատությունը կամ ժառանգությունը վտանգված են։
Ահա թե ինչու, երբ դուք հիշատակում եք Լեռնային Ղարաբաղի հարցը, 2020 թվականի պատերազմի ժամանակ Ֆրանսիայի Հանրապետության նախագահը կոչ արեց մշակութային և հիշատակի հրադադարի, և հենց սկզբից մենք աջակցեցինք ՅՈՒՆԵՍԿՕ-ի կողմից մեկնարկած դիտորդական առաքելությանը, որը, ցավոք, 2020 թվականից ի վեր արգելափակված է։ Մենք պահանջում ենք դրա ակտիվացումը և հետևում ենք Միջազգային արդարադատության դատարանում ընթացող գործընթացին։
Վերջերս՝ քրիստոնեական ժառանգության վայրերի անհետացման և վնասման վերաբերյալ բազմաթիվ համընկնող ահազանգերի ֆոնին՝ Շուշիի Սուրբ Հովհաննես Մկրտիչ եկեղեցին, Սուրբ Աստվածածին մայր տաճարը և այլ վայրեր, ընդհանուր առմամբ՝ ավելի քան 44 հուշարձան 2021 թվականից ի վեր, մենք աջակցեցինք «Œuvre d’Orient» կազմակերպությանը, որը «ALIPH» հիմնադրամի հետ միասին, որի տասնամյակն այս տարի նշվում է, նախաձեռնեց նախևառաջ Ղարաբաղի քրիստոնեական և հայկական ժառանգության գույքագրումը։
Ապա, քանի որ դուք ինձ հարցնում եք ավելի լայնորեն Հայաստանի մասին, կցանկանայի մի քանի պահ անդրադառնալ Հանրապետության նախագահի վերջին երկու օրերի այցին, որը բացառիկ կարևորություն ուներ։
Հիշենք, որ ութ տարի առաջ Հայաստանը գտնվում էր Ռուսաստանի ազդեցության ներքո և Նիկոլ Փաշինյանի առաջնորդած խաղաղ հեղափոխության շնորհիվ քայլ արվեց դեպի Եվրոպա։
Վերջին երկու օրերին հենց Հայաստանում հավաքվեց Եվրոպական քաղաքական համայնքը, առաջին անգամ կայացավ Եվրոպական միության և Հայաստանի միջև գագաթնաժողով, ինչպես նաև ձևավորվեցին Ֆրանսիայի և Հայաստանի միջև նոր համագործակցություններ՝ շարունակելով այն ուղղությունը, որը Ֆրանսիայի ներկայիս վարչապետը, այն ժամանակ որպես պաշտպանության նախարար, համաձայնեցրել էր 2024 թվականի ձմռանը պաշտպանության ոլորտում։
Ուստի Հայաստանը հսկայական քայլ է կատարել դեպի Եվրոպա, և մենք ողջունում ենք դա։

Ի դեպ, Ադրբեջանն ասյօր արձագանքել է և սադրիչ համարել Ֆրանսիայի ԱԳ նախարարի հայտարարությունը։

Նմանատիպ նյութեր

Արմավիրի մարզից 3 հոգի սուր կտրnղ-ծակnղ առարկայից ստացած հարվածներից տեղափոխվել են հիվանդանոց

Արմավիրի մարզից 3 հոգի սուր կտրnղ-ծակnղ առարկայից ստացած հարվածներից տեղափոխվել են հիվանդանոց

Երեկ՝ նոյեմբերի 16-ին, արտակարգ դեպք է տեղի ունեցել Արմավիրի մարզում։ Ժամը 07։20-ի սահմաններում ՀՀ ներքին գործերի նախարարության ոստիկանության քրեական ոստիկանության գլխավոր վարչության Արմավիրի մարզային վարչությունում օպերատիվ տեղեկություններ են ստացվել, որ «Վաղարշապատ»...

Իրանը հայտարարել է Հայաստանում նավթավերամշակման գործարանի կառուցմանը մասնակցելու պատրաստակամության մասին

Իրանը հայտարարել է Հայաստանում նավթավերամշակման գործարանի կառուցմանը մասնակցելու պատրաստակամության մասին

  Իրանի նավթի նախարարի պաշտոնակատար Համիդ Բովարդը հայտարարել է, որ Թեհրանը պատրաստ է մասնակցել Հայաստանում էներգետիկ խոշոր ծրագրերի իրականացմանը։ Մասնավորապես, Իրանը պատրաստ է օգտագործել իր տեխնիկական և ինժեներական հնարավորությունները Հայաստանում նավթավերամշակման...

Քոչարյանին կալանավորելուց հետո սկսվեց ազգային արժեքների կազմաքանդումը․ Անուշ Առաքելյան

Քոչարյանին կալանավորելուց հետո սկսվեց ազգային արժեքների կազմաքանդումը․ Անուշ Առաքելյան

«Հայաստան» դաշինքի անդամ Անուշ Առաքելյանը ֆեյսբուքյան իր էջում գրում է․ Երեկ մասնակցում էի Հայաստան խմբակցության կողմից կազմակերպված ԱԺ լսումներին։ Լուռ հետևում էի ելույթները։ Խոսվեց քաղբանտարկյալների, հետապնդումների ու հալածանքների մասին։ Այո, 2018 թվականից...

Ռուբինյանի խոսքը բացահայտում է նրա վերաբերմունքը սեփական արժանապատվության հանդեպ. Տեր Մանուկ քահանա

Ռուբինյանի խոսքը բացահայտում է նրա վերաբերմունքը սեփական արժանապատվության հանդեպ. Տեր Մանուկ քահանա

Տեր Մանուկ քահանա Զեյնալյանը գրել է․ «Անդրադառնալով Ազգային Ժողովի նախագահի փողոցային խոսույթին… Ռուբինյա՛ն, քաղաքական բանավեճը փողոցային արտահայտություններով մի՛ փոխարինեք։ Ձեր պաշտոնը Ձեզ պարտավորեցնում է բարձրացնել խոսքի մակարդակը, ոչ թե իջեցնել այն։ Ամենայն Հայոց...

Նոյեմբերյանի և Բերդի ճանապարհներին մառախուղ է

Նոյեմբերյանի և Բերդի ճանապարհներին մառախուղ է

Նոյեմբերի 16-ին՝ ժամը 20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է, տեսանելիությունը՝ 50-80 մետր։ Հայտնում են Ճանապարհային դեպարտամենտից։ Միջպետական և հանրապետական նշանակության բոլոր ավտոճանապարհները բաց...