Երևանի քաղաքապետարանի մամուլի խոսնակ Հայկ Կոստանյանը հայտնում է, որ Հակակոռուպցիոն կոմիտեում քննվող քրեական վարույթի շրջանակում այսօր ձերբակալված 11 անձանց մեջ Շենգավիթի թաղապետարանի նեկայիս աշխատակից չկա. նշված աշխատակիցը ապրիլ ամսին ազատվել է աշխատանքից։
«Հակակոռուպցիոն կոմիտեն այսօր հաստատեց, որ քրեական վարույթի շրջանակում ձերբակալվել է 11 աշխատակից, այդ թվում Շենգավիթ վարչական շրջանի ներկա և նախկին աշխատակիցներ։
Այս լուրը ինքս էլ էի հաստատել և նշել, որ նրանցից միայն մեկն է ներկայիս աշխատակից։
Ցանկանում եմ տեղեկացնել, որ նշված աշխատակիցը դեռևս ապրիլ ամսին ազատվել է աշխատանքից և այս պահին ձերբակալված անձանց շրջանում Շենգավիթ վարչական շրջանի ներկայիս աշխատակից չկա»–գրել է Հայկ Կոստանյանը։
