Բենիամին Մաթևոսյանը ֆեյսբուքյան իր էջում գրում է․
Ի՞նչ է պատահել։ Որտեղի՞ց է այս աղմուկը։ «Քաղաքացիական պայմանագիր» կուսակցության ներկայացուցիչներին դուր չի գալիս, որ իրենց առանց դատարանի ու հետաքննության մեղադրում են Փարաքար համայնքի ղեկավարի սպանության շահառու լինելու մեջ։ Այ-այ-այ… Բա ինչո՞ւ իրենք չեն տեսնում դրանում իրենց սեփական մեղքի և պատասխանատվության բաժինը։ Արդյոք նրանք չե՞ն հասկանում, որ 2018 թվականից ի վեր իրենք ջնջել են բոլոր հնարավոր «կարմիր գծերը»։ Արդյոք նրանք չե՞ն գիտակցում, որ իրենց առաջնորդն իր ողջ քաղաքական կարիերան կառուցել է հոկտեմբերի 27-ի և մարտի 1-ի իրադարձությունների մասին ստի ու կեղծիքի, անմեղության կանխավարկածի խախտման վրա։ Ինչո՞ւ է նրանց թվում, որ քաղաքականությունը միակողմանի երթևեկությամբ ճանապարհ է։
Դուք եք այս մթնոլորտի ու անմեղության կանխավարկածի մահվան հեղինակը։ Իսկ մենք սպասենք քննության արդյունքներին և համբերություն ու քաջություն մաղթենք ողբերգականորեն զոհված Գրիգորյանի ընտանիքին։
