Իրավապահները չեն շտապում վերացնել Ամենայն Հայոց Կաթողիկոս Գարեգին Բ-ի նկատմամբ ընտրված խափանման միջոց բացակայելու արգելքը, թեև դատարանը ոչ իրավաչափ է համարել խափանման միջոցի առկայությունը։
Ինչպես արդեն տեղեկացրել ենք՝ կիրառված խափանման միջոցի և Վրաստան մեկնելու թույլտվությունը քննիչի կողմից մերժելու պատճառով Ամենայն Հայոց Կաթողիկոսը չէր կարողացել մասնակցել Համայն Վրաստանի կաթողիկոս-պատրիարք Իլյա Երկրորդի հուղարկավորության սուրբ արարողությանը: Քննիչի կողմից միջնորդությունը մերժելու որոշումը բողոքարկվել է վերադաս դատախազին, ապա դատախազի մերժումից հետո բողոքարկվել է դատական կարգով։ Օրերս՝ ապրիլի 10-ին, Երևանի ընդհանուր իրավասության քրեական դատարանը՝ դատավոր Անի Դանիելյանի նախագահությամբ, որոշել է բավարարել պաշտպանի բողոքն, ըստ այդմ,
Ամենայն Հայոց Կաթողիկոսի նկատմամբ կիրառված խափանման միջոցը ենթակա է վերացման։ ՀՀ գլխավոր դատախազությունից, սակայն, «Փաստինֆո»-ի փոխանցմամբ՝ հայտնեցին, որ պատրաստվում են վերաքննիչ բողոք ներկայացնել։
