Հայաստանի գործող իշխանություններին ձեռնտու չէ Ադրբեջանում գտնվող գերիների վերադարձը։ Այս մասին Նոյեմբերյանի բնակիչների հետ հանդիպման ժամանակ հայտարարեց Հայաստանի երկրորդ նախագահ, «Հայաստան» դաշինքի առաջնորդ Ռոբերտ Քոչարյանը։
Երկրորդ նախագահը վստահություն է հայտնել, որ իշխանությունները չեն զբաղվում այդ հարցով, քանի որ նրանց ձեռնտու չէ հեղինակություն ունեցող մարդկանց վերադարձը, հատկապես՝ ընտրություններից առաջ։
«Հնարավոր է, որ իշխանությունները դա անում են հատուկ, իրենց պետք չի, որ Ռուբեն Վարդանյանը գա այստեղ, իրենց պետք չի, որ Բակո Սահակյանն ու Արկադի Ղուկասյանը գան Հայաստան։ Նրանք հասկանում են, որ նույն Ռուբեն Վարդանյանը հեղինակություն ունի, նրա խոսքն արժեք ունի և կարող է ինչ-որ տեղ կողքի չմնա այս պրոցեսներից»,- նշեց նա։
Մանրամասն՝ տեսանյութում։
