«Պետք է արձանագրենք, որ մեր պայքարի ընկեր Արսենը զոհ դարձավ չարդարադատության մահաբեր համակարգին։ Նա մարդ էր, որը պատրաստ էր պայքարի, սկզբունքային էր, հայրենասեր։
Ի՞նչ արեցին այս իշխանությունները։ Չհաստատված մեղադրանքով քրեական գործի շրջանակում ձերբակալեցին, դրանից առաջ վարկաբեկեցին, փորձեցին արատավորել նրա պատիվն ու արժանապատվությունը, բանտարկեցին և, ի վերջո, մարդուն հասցրին մահվան։
Հնարավո՞ր էր խուսափել այս ամենից, եթե իշխանությունը կալանքը որպես պատժիչ գործիք չօգտագործեր։ Իհարկե, հնարավոր էր։ Այս կերպ հնարավոր էր փրկել մարդու կյանքը։
Հայաստանի Հանրապետությունում սա առաջին նման դեպքը չէ։ Այսօր մենք այստեղ ենք՝ SOS հնչեցնելու և միջազգային կառույցներին կոչ անելու, որ Հայաստանում այս իրավիճակն այլևս չի կարող շարունակվել»,- այս մասին այսօր՝ նոյեմբերի 11-ին, Հայաստանում ԵՄ գրասենյակի մոտ լրագրողների հետ զրույցում նշեց ԱԺ «Ուժեղ Հայաստան» խմբակցության պատգամավոր Իրինա Յոլյանը։
Մանրամասն՝ տեսանյութում։
