Վաղարշապատում ձերբակալվածների թիվը մեծացել է, այս պահին մոտ 10 անձ է ձերբակալվել։ Այս մասին yerevan.Today-ի թղթակցին հայտնեց Վաղարշապատի ավագանու «Հաղթանակ» խմբակցության ղեկավար Սևակ Խաչատրյանը։
Ըստ Խաչատրյանի՝ ձերբակալությունները կապված են Վաղարշապատի ընտրությունների հետ։ «Րոպե առ րոպե ձերբակալվածների թիվն ավելանում է՝ անհասկանալի պատճառով, չգիտենք ինչի մասին է խոսքը, բայց վստահ եմ, որ ոչ մի անօրինական բան չի լինելու։ Ընտրություններից չորս ամիս անցել է, նոր են հիշել, երևի առջևում ընտրություններ է, փորձում են վախի մթնոլորտ ստեղծել»,- ասաց Խաչատրյանն՝ ընդգծելով, որ սա իշխանությունների ձեռագիրն է՝ ապօրինություն անել, մարդկանց փորձել ճնշել․ Կարծում եմ՝ իրենց վախերը Վաղարշապատից չի անցել, շատ են վախեցած, չի անցնում, խորհուրդ կտամ՝ վախ բռնողի մոտ գնան։
Հիշեցնենք, որ վաղ առավոտից բռնաճնշումներ են սկսվել Վաղարշապատի ընդդիմադիր հայացքներ ունեցող անձանց նկատմամբ, ձերբակալվել էր 5 անձ:
