«Մեծ հաշվով Նիկոլ Փաշինյանը հրահանգներն իջեցրել է, և ժողովրդավարության բաստիոնի փաստացի պետն արդեն ուղղակի, սենց ինչպես ասում են, ձեռքի աշխատանքով է իրականացնում արդարադատությունը։ Հրամանը հնչեցնում է, դատավորները այդ բոլոր հրահանգների կատարումն ուղղակի իրականացնում են։
Որ ասեմ՝ շատ մեծ ակնկալիքներ ունեմ, որ իրական արդարադատություն կլինի, բնականաբար՝ ոչ, որովհետև տեսնում ենք, թե ինչ պրոցեսի միջով ենք անցնում։ Ես ուզում եմ ուղղակի հատուկ մի շեշտադրում կատարել, որ սրանք ամենևին պետք չէ դիտարկել ոչ իրավական հարթության մեջ և ոչ էլ բուն էության մեջ խորանալ գործընթացի, որովհետև այս ամենն արվում է բացառապես առաջիկա զիջումների ֆոնին։
Այսինքն՝ փորձ է արվում առաջիկա զիջումներից առաջ՝ լինի Տիգրանաշենի հանձնումը, լինի սահմանադրության՝ «Ալիևյան սահմանադրության» ընդունումը, փորձ է արվում հիմնական դերակատարներին չեզոքացնելու և նաև վախի այնպիսի մթնոլորտ սերմանելու, որ Հայաստանի Հանրապետության որևէ քաղաքացի՝ ընդդիմադիր հայացք ունեցող, այլևս չհամարձակվի որևէ դիրքորոշում հնչեցնել»,- այս մասին այսօր՝ օգոստոսի 25-ին, Հակակոռուպցիոն դատարանի դիմաց լրագրողների հետ զրույցում նշեց ԱԺ «Հայաստան» խմբակցության ղեկավար Աննա Գրիգորյանը։
Մանրամասն՝ տեսանյութում։
