«The Washington Post» թերթը, հղում անելով ամերիկացի պաշտոնյային, գրում է, որ ԱՄՆ-ն պատրաստվում է Իրանի դեմ լայնածավալ պատերազմի՝ մեծացնելով տարածաշրջանում իր ռազմական ներկայությունը։ Գրում է ՌԻԱ Նովոստին՝ հղում անելով ԶԼՄ-ներին:
«Միևնույն ժամանակ, գործողության մասշտաբը սահմանափակվում է հակաօդային պաշտպանության հրթիռների և հեռահար զինամթերքի պակասի, ինչպես նաև այս տարածաշրջան լրացուցիչ ստորաբաժանումներ արագ տեղափոխելու անհնարինության պատճառով։ Չեմ կարծում, որ Սպիտակ տունը տեղյակ է այդ մասին», — ասել է աղբյուրը։
Նախօրեին նաև The Wall Street Journal-ը հայտնել էր, որ ԱՄՆ-ը Եվրոպայից դեպի Մերձավոր Արևելք է տեղափոխում լրացուցիչ մարտական ավիացիա և օդում լիցքավորման (տանկեր) ինքնաթիռներ։
