«Լավ կլիներ, որ այստեղ կառավարության ներկայացուցիչ լիներ, որովհետև բազմաթիվ հարցերի պատասխաններն անմիջապես իրենք պետք է տային։
Տեսե՛ք՝ արդյո՞ք 2027 թվականի բյուջեն թեթևացնելու կամ հեշտացնելու է երևանցիների կյանքը։ Եվ արդյո՞ք այն խնդիրների մասին, որոնց մասին ես խոսում եմ, առաջին անգամ եմ բարձրաձայնում։
Հատուկ այստեղ բերել եմ նկարներ, որոնք դեռևս 2023 թվականին՝ Երևանի քաղաքի բյուջեի ընդունման ժամանակ, ներկայացրել եմ։ Ֆլայչարտերով ասել եմ՝ որպեսզի մարդկանց կյանքը թեթևանա, ի՞նչ է պետք։ Պետք է կառավարման նոր մշակույթի ներդրում։ Այսինքն՝ մի փոքր խելք, կամք և ցանկություն։
Այսօր խցանումները հասել են բոլորիս կոկորդներին։ Իսկ արդյո՞ք դրանց լուծում կար, և այս տարվա կամ հաջորդ տարվա բյուջեով հնարավո՞ր էր մի փոքր թեթևացնել իրավիճակը։ Այո՛։ Դրա համար ի՞նչ էր պետք անել։ Ասեմ։
Առաջինը՝ պետք է լիներ կենտրոն։
Ի դեպ, դա այն կենտրոնն էր, որի մասին Նիկոլ Փաշինյանը խոսում էր, երբ խցանման մեջ էր հայտնվել։ Ասում էին՝ այդ հարցը պետք է լուծվի։ Շատ ճիշտ էր ասում՝ պետք է լուծվի։
Այդ կառույցը մեզ վրա նստեց 600 միլիոն դրամ։ Ի՞նչ եղավ արդյունքում։ Տիգրան Ավինյանի փեսային բերեցին, նշանակեցին տնօրեն՝ 1,8 միլիոն դրամ աշխատավարձով։ Նեպոտիզմի դասական մոդել է։ Երբ հաջորդ գիրքս գրեմ, սրանից հետո սկսելու եմ դա մանրակրկիտ ներկայացնել։
Իսկ հովանավորչությունն ո՞րն է այստեղ։ Այն, որ, ժողովուրդ ջան, արդյունքը զրոյական է, իսկ հաջորդ տարի դրա բյուջեն ավելացել է, և ոչ ոք չի համարձակվում դրա մասին խոսել։ Սա էլ հովանավորչության մոդելն է»,- այս մասին այսօր՝ նոյեմբերի 19-ին, հայտարարեց ԱԺ «Հայաստան» խմբակցության պատգամավոր Մեսրոպ Մանուկյանը։
Մանրամասն՝ տեսանյութում։





