«Անցյալ տարի ես շատ եմ զբաղվել այս խնդրով, մասնավորապես՝ վարորդների հարցերով։ Հանդիպում եմ ունեցել «Յանդեքս»-ի ղեկավարության հետ՝ վարորդների խմբերի ղեկավարների մասնակցությամբ։ Այդ ժամանակ որոշակի պայմանավորվածություններ են ձեռք բերվել։ Հիմա կասեմ՝ ինչ պայմանավորվածություններ, և ինչու դրանք այդպես էլ չեն կատարվել։
Վարորդները շուրջ 100 հազար են, հստակ թիվ ասեմ՝ 100 հազարից ավելի, նույնիսկ 120 հազար գրանցված վարորդ կա։ Այս մարդկանց իրավունքների հետ կապված՝ պետական գերատեսչությունների ղեկավարներ են ներգրավվել, այդ թվում՝ ձեր ղեկավարած մարմնի նախագահ Գեղամ Գևորգյանը։ Վերջիններս հանդիպել են վարորդների հետ և ասել. «Եթե Մեսրոպ Մանուկյանը կապ չունենա, այլևս ձեզ հետ չգա, ձեր բողոքների հարցը չբարձրացնի, ձեր խնդիրները կլուծենք»։
Հիմա ասեմ՝ ինչ խնդիրներ են եղել, և հատիկ-հատիկ ներկայացնեմ, թե որոնք չեք լուծել»,- այս մասին ասյօր՝ հոկտեմբերի 30-ին, հայտարարեց ԱԺ «Հայաստան» խմբակցության պատգամավոր Մեսրոպ Մանուկյանը։
Մանրամասն՝ տեսանյութում։
