Հայ ժողովուրդը հայտնվել է դրսից պարտադրվող երկու հանրաքվեների արանքում։ Այս մասին այսօր՝ օգոստոսի 10-ին, հայտարարեց ԱԺ «Հայաստան» խմբակցության ղեկավար Աննա Գրիգորյանը։
«Մի դեպքում՝ Ալիևի պարտադրանքով սահմանադրության փոփոխության հարցն է, մյուս դեպքում՝ Ռուսաստանի Դաշնության նախագահի կողմից առաջադրվող կամ պարտադրվող ԵԱՏՄ-ի այս հանրաքվեի պարտադրանքն է։
Եվ սա իսկապես խայտառակություն է, որ մեր հայ ժողովուրդը իր ապագայի մասին քննարկումները պետք է կատարի արտաքին ակտորների՝ անկախ նրանից, թե ովքեր են այդ ակտորները, արտաքին պարտադրանքի ֆոնի ներքո։
Հիմա ինչ վերաբերում է Հայաստանի Հանրապետության Սահմանադրության փոփոխությանը, այդ նոր Սահմանադրությունը ես առանց վարանելու կկոչեի «Ալիևյան Սահմանադրություն»։ Քննարկվում էր, որ դեռևս մարտին պետք է այն հրապարակվեր, բայց տեսնում ենք, որ մինչև այսօր այն հրապարակված չէ, և հասկանալի չէ, թե ընդհանրապես մենք ինչ հանրաքվեի մասին ենք խոսում, եթե նույնիսկ տեքստը հրապարակված չէ, չնայած եղել են խոստումներ։
Հայ ժողովուրդը իր ընտրությամբ, ինչքան էլ մենք դեմ լինենք այն արդյունքներին, որոնք ձևավորվել են, և դրա համար ունենանք համապատասխան փաստեր, հայ ժողովուրդը հավաքական առումով մերժել է այդ սահմանադրության ընտրությունը՝ չտալով քաղաքական մեծամասնությանը երկու երրորդ մեծամասնություն։
Այսինքն՝ որևէ Սահմանադրություն չի կարող դրվել հանրաքվեի, քանի դեռ Ազգային ժողովի երկու երրորդը այն չի հաստատել։ Հետևաբար որևէ նման քննարկում ուղղակի գոյություն ունենալ չի կարող»,- նշեց նա։
Մանրամասն՝ տեսանյութում։
