«Իշխանությունները մոլորեցնում են՝ հայտարարելով, թե Հայաստանի և Ադրբեջանի միջև խաղաղություն է հաստատվել։ Դա սուտ է և կեղծիք։ Ի՞նչ խաղաղություն, եթե երկրի մի հատվածը օկուպացրել է թշնամի պետությունը։ Ի՞նչ խաղաղություն, եթե թշնամին մինչ այս պահը շարունակում է փակ պահել Հայաստանի ճանապարհները, շրջափակված է պահում, շարունակում է սպառնալ, բոլոր միջազգային հարթակներում խոսում է սպառնալիքների և վիրավորանքների լեզվով։
Ի՞նչ խաղաղություն, եթե Արցախի Հանրապետության ռազմաքաղաքական ղեկավարությունը պատանդառված է, Արցախի ժողովրդին արգելվում է վերադառնալ իր բնօրրան, իսկ Արցախում ամեն օր ոչնչացվում է հայկական հետքը։
Սա խաղաղություն չէ։ Սա 2020 թվականի սեպտեմբերի 27-ին սկսված պատերազմի ընթացքում հաստատված ինչ-որ դադարի փուլ է»,- այս մասին այսօր՝ նոյեմբերի 9-ին, Եռաբլուր զինվորական պանթեոնում հայտարարեց ԱԺ «Հայաստան» խմբակցության պատգամավոր Արթուր Խաչատրյանը։
Մանրամասն՝ տեսանյութում։
