«Ամեն անգամ, երբ այսպիսի պայքարող, սկզբունքային, հայրենասեր տեսակ եմ տեսնում, հասկանում եմ, որ այս ոչնչություններին դուք չեք կարող պարտվել։ Հասկանում եմ, որ Ալիևն ու Նիկոլը չեն կարող այս տեսակին ծնկի բերել, և այս պարտությունը ժամանակավոր է։ Մենք վերականգնվելու ենք։
Նախ խոսքս ուղղում եմ ուժային կառույցներին՝ դատախազությանը, ոստիկանությանը, քննչականին և Ազգային անվտանգության ծառայությանը։
Նախ՝ ձեր այս թափթփուկներին տիրություն արեք։ Եվ երկրորդ՝ դուք շարունակում եք Նիկոլ Փաշինյանի ձեռքին մնալ գործիք՝ նպաստելով, որ ինքը ամեն օր տապալի երկրի սահմանադրական կարգը։
Դուք մեղսակից եք դառնում նրա հանցագործություններին։ Հետևաբար մնացեք օրենքի շրջանակում։ Հունիսի 7-ից հետո կյանք կա, և դուք ևս պատասխան եք տալու»,- այս մասին այսօր՝ մայիսի 23-ին, Արմավիրում հայտարարեց «Հայաստան» խմբակցության պատգամավոր Իշխան Սաղաթելյանը։
Մանրամասն՝ տեսանյութում։
