«Պետական պարտքը հասցրել են 15 միլիարդ դոլարի։

Հիմա մի համեմատություն բերեմ։ «Լինսի» ամբողջ ծրագրի գումարը եղել է մոտ 230 միլիոն դոլար։ Այդ 230 միլիոն դոլարով այնքան բան է կառուցվել, որ ես կարող եմ մեկ շաբաթ շարունակ ցույց տալ Երևանում, աղետի գոտում՝ դպրոցներ, փողոցներ, կամուրջներ, թունելներ, շենքեր․ ինչ ասես՝ չենք սարքել։ 230 միլիոն դոլարով։

Լավ, եթե ինֆլյացիան հաշվի առնենք և այն ժամանակվա գումարը դառնա մոտ 400 միլիոն դոլար։ Դուք 8 միլիարդ դոլարով պարտքը ավելացրել եք ու հասցրել եք 15 միլիարդի։

Ի՞նչ եք սարքել այդ 8 միլիարդ դոլարով։ Այդ գումարներով կարելի էր այս երկիրը դրախտ սարքել։ Ես համոզված եմ, որ այդ գումարի մի զգալի մասը մսխվել է և գնացել է անհայտ ուղղություններով։

Համոզված եմ՝ ինչ-որ կրիպտոյի մեջ են մտցրել, որպեսզի հետքեր չթողնեն։ Չեմ կասկածում դրանում, բայց միևնույն է՝ այդ ամենի տեղը գտնելու ենք և հետ ենք բերելու»,- այս մասին այսօր՝ մայիսի 23-ին, Դարալիկում հայտարարեց ՀՀ երկրորդ նախագահ, «Հայաստան» դաշինքի առաջնորդ Ռոբերտ Քոչարյանը։

Մանրամասն՝ տեսանյութում։