Խաղաղության գործընթաց գոյություն չունի, մենք հստակեցնենք, որ չունենք ո՛չ պայմանագիր, ո՛չ էլ պայմանագրի կից որևէ փաստաթղթեր։ Այս մասին մարզահամերգային համալիրի դիմաց, որտեղ ընթանում է Եվրոպական քաղաքական համայնքի 8-րդ գագաթնաժողովը, կազմակերպած բողոքի ակցիայի ժամանակ ասաց ՀՀ առաջին ՄԻՊ Լարիսա Ալավերդյանը։
«Մենք այսօր ապրում ենք մի վիճակում, երբ որ հնարավորություն ունենք տեսնելու ոչ միայն Հայաստանի իշխանության կարծիքը, այլև Ադրբեջանի, այլև Թուրքիայի, այլև Պակիստանի և այլ պետությունների: Ու մենք տեսնում ենք, որ այս ամենը խոսակցությունները, որոնք խոսում են խաղաղության մասին, որոնք խոսում են միջանցքի կամ կոմունիկացիայի մասին, ամբողջովին մի բանի մասին են խոսում, դա կապիտուլյացիայի շարունակությունն է, կապիտուլյացիայի, որը տեղի է ունեցել 20 թվականին, որը եղել է պայմանավորված, որովհետև այսօր ես ավելին ունեմ փաստարկներ դա հաստատելու, քան 20 թվականին: Իրապես, եթե ընթերցեք ոլորտը ելույթները, ապա կտեսնեք, որ այսօրվա վարչակազմի ղեկավարը խոսում է նրա մասին, որ մենք պետք է նախապես 18 թվականին ասեինք, որ Արցախը Ադրբեջանի կազմում է: Նա խոսում է նրա մասին, որ վերջապես Հայաստանը այսպես կոպիտ ասած ազատվեց այդ բեռից: Այսինքն որևէ մի պատահական բան չի եղել, դա եղել է ծրագրված և այդ ծրագիրը իրականացվում է մինչ այսօր: Ահա այսպես կոչված խաղաղության այս գործընթացով, որը նշանակում է, որ Հայաստանը դարձվում է, հստակ դարձնում են Թուրքիայի կամ նրա կցորդ Ադրբեջանի օգտագործման տարածք»,- ասաց նա։
Մանրամասն՝ տեսանյութում։
