Նոյեմբերի 9-ը ձեր վրա հարձակվելու, Նիկոլ Փաշինյանի դուխիները գողանալու օր չի: Ես էս անձնակենտրոնությունը չգիտեմ ինչով է պայմանավորված, դա ազգային ողբերգության օր է: Այս մասին այսօր՝ մարտի 23-ին, հայտարարեց ԱԺ «Հայաստան» խմբակցության պատգամավոր Քրիստինե Վարդանյանը՝ դիմելով արտգործնախարար Արարատ Միրզոյանին։
«Եթե ձեր վրա հարձակվել են, շրջվեք էն մարդու հետ, ում ամեն օր հանդիպում եք, ու ասեք՝ այդ գործը ինչի՞ բացահայտված չի, բայց նույն նախանձախնդրությամբ բացահայտեք ուղիղ եթերում այն, որ թաղապետը հարձակվում է, մարդ է ծեծում, այն որ պետական պահպանության տակ գտնվող ցուցարարին տանում են, ստորացնում են, այ այդ դեպքեր էլ։
Ես չգիտեմ ինչ կապ ուներ սահմանադրության փոփոխության հետ ձեր անձնակենտրոնությունը, բայց կներեք նոյեմբերի 9-ը ինձ համար ձեր վրա հարձակման օր չի։
Երկրորդ՝ սխալվում եք, եթե չասեմ՝ ստում եք, որ դուք ունեցել եք Հայաստանի սահմանադրության փոփոխության օրակարգ։ Ձեր օրակարգը, մինչև Ալիևի պահանջը, եղել է սահմանադրության բարեփոխման օրակարգ։ Դուք Հայաստանում նոր սահմանադրության մասին խոսել եք բացառապես այն բանից հետո, երբ Իլհամ Ալիևը ասել է, որ Հայաստանը նոր սահմանադրություն պիտի ունենա։ Ու քանի որ ուրիշ տարբերակ չկա անկախության հռչակագիրը հանելու, հանրաքվե էլ անեք, ինչ բարեփոխում էլ անեք, չեք կարող այդ հղումը հանեք, դրա համար եք նոր սահմանադրության մասին խոսում, դրա համար անգամ չորրորդ հանրապետության մասին եք խոսում, որովհետև ուրիշ իրավական ճանապարհ չկա։ Դա է խնդիրը։
Դուք, մինչև Ալիևը չի անվանել այդ սահմանադրությունը խնդրահարույց, սահմանադրությունը կոնֆլիկտածին չեք անվանել։
Փաստորեն դուք հունիսի յոթի ընտրությունները վերածել եք սահմանադրական հանրաքվեի՝ Ալիևի սահմանադրությանը այո կամ ոչ ասելուն»,- ասաց նա։
Մանրամասն՝ տեսանյութում։
