Թյուրքագետ Վարուժան Գեղամյանը գրում է.
«Հատված ԱՄՆ պետքարտուղար Մ. Ռուբիոյի ելույթից, որով նա հանդես է եկել Գերմանիայում՝ Մյունխենի անվտանգության համաժողովում փետրվարի 14-ին։
Կարծում եմ՝ արժե հիշել այն նաև մեզ՝ հատկապես «թուրքերի առևտուր կանենք, էլ կռիվ չի լինի, խաղաղ կապրենք» աղետալի քարոզի համատեքստում, որը հիմնված է ժամանակավրեպ ու անիրատեսական լիբերալ քարոզի վրա։
Ահա այդ հատվածը իմ թարգմանությամբ.
«…Այդ տխրահռչակ պատը (Բեռլինի պատը — Վ.Գ.), որը բաժանել էր այս ազգը երկու մասի, փլուզվեց ու դրա հետ միասին չարիքի կայսրությունը, և Արևելքն ու Արևմուտքը նորից դարձան մեկ։
Սակայն այս նվաճման ոգևորությունը տարավ մեզ դեպի վտանգավոր մոլորություն. մոլորություն, թե մենք հասել ենք «պատմության վերջին», որ ամեն ազգ հիմա կդառնա լիբերալ ժողովրդավարություն, որ միայն առևտրի շնորհիվ ձևավորված կապերը կփոխարինեն պետականությունները, որ կանոնների վրա հիմնված աշխարհակարգը (չարչկրկված տերմին) այժմ կփոխարինի ազգային շահը, և որ մենք արդեն կապրենք առանց սահմանների աշխարհում, որտեղ ամեն մարդ աշխարհի քաղաքացի է։
Սա հիմար գաղափար էր, որը անտեսում էր թե՛ մարդկային բնույթը, թե՛ մարդկային պատմության 5000 և ավելի արձանագրված տարիների դասերը։
Եվ այդ մոլորությունը շատ թանկ արժեցավ մեզ համար»։
Թուրքիայի ու Ադրբեջանի հետ բացառապես առևտրի ու ինչ-որ ֆիկտիվ փաստաթղթերի վրա հիմնված անվտանգության համակարգը շատ թանկ է նստելու նաև մեզ վրա»։
