Ի դեպ, հունվարի 10-ին Ամենայն Հայոց Կաթողիկոս Գարեգին երկրորդի որոշմամբ, Գևորգ եպիսկոպոս Սարոյանն ազատվել է Մասյացոտնի թեմակալ առաջնորդի պաշտոնից։ Նա Նիկոլ Փաշինյանին միացած եպիսկոպոսներից մեկն է։
Այնուհետև Փաշինյանը հայտարարել է, որ չի ընդունում Վեհափառի այս որոշումը, քանի որ նրան չի համարում Կաթողիկոս։ Իհարկե՝ Փաշինյանի համարել-չհամարելը որևէ նշանակություն չունի․ ՀՀ սահմանադրության հոդված 17-ի 2-րդ և հոդված 18-ի 1-ին կետերով, Նիկոլ Փաշինյանը չունի որևէ իրավունք խոչընդոտելու եկեղեցու գործերին։ Սակայն վաղուց է, որ Նիկոլ Փաշինյանը որոշում կայացնելիս, ելույթ ունենալիս սահմանադրություն և օրենք հաշվի չի առնում։
Ուշագրավ է, սակայն, որ եկեղեցու դեմ փաշինյանական արշավը տեղի է ունենում ագրեսիվ փոքրամասնության միջոցով, որը չնայած փոքր թիվ է, սակայն՝ բավականին աղմկոտ։ Երթերին, օրինակ, մասնակցում է առավելագույնը 2 հազար մարդ, պատարագներին՝ արդեն դրանից 10 անգամ քիչ։
Մանրամասն՝ տեսանյութում։
