Yerevan.Today-ը հայտնել էր, որ այս պահին Վաղարշապատ համայնքի «Հաղթանակ» դաշինքի անդամների տներում խուզարկություններ է տեղի ունենում։
Կապ հաստատեցինք Դաշինքի ներկայացուցիչ Հրանտ Ավետիսյանին։ «Ավագանու անդամության թեկնածու առաջադրված անձանց տներ են մտել։ Խոսքը 4 հոգու մասին է, երկուսը Էջմիածնից, երկուսը՝ Հայթաղ համայնքից»,- ասաց նա։
Հրանտ Ավետիսյանն ասաց, որ այլ տեղեկություններ հայտնի չէ։
Նշենք, որ խուզարկում են Դաշինքի անդամներ Կարեն Գևորգյանի, Արմեն Դավթյանի, Մայիս Մելքոնյանի, Տիգրան Գևորգյանի բնակարանները։
