Վաղ առավոտից Գնունու փողոցում իրականացվում են ապամոնտաժման աշխատանքներ։ Դեպքի վայրում լրագրողների հետ զրույցում ասաց Քաղաքապետարանի աշխատակազմի քաղաքաշինության, հողի վերահսոկողության վարչության պետւ տեղակալ Ռուբեն Խոջոյանը։
«Տնտեսվարողները տեղյակ են եղել։ Դրանք կրպակներ են, որոնք ժամանակին ունեցել են հողի վարձակալության պայմանագրեր, որոնց ժամկետները լրացել են, սակայն կոմիտեի հետ պայմանագրերը դեռ լուծված չեն։ Սակայն դա ժամանակի խնդիր է, ամեն ինչ ընթացքում կբերվի օրենքի դաշտ։ Սա հանրության պահանջն է, մայթին կրպակները խոչընդոտում են թե երթևեկությանը, նաև հետիոտնի անցուդարձին»,-ասաց վարչության պետը։
Նրա խոսքով, շուկայի հարցն էլ քննարկվում է, սակայն դեռ որոշում չկա։
Անդրադառնալով խոսակցություններին, թե կրպակները քանդում են, որպեսզի շենքեր կառուցեն, Խոջայանն ասաց, որ նման նախագիծ չկա։
«Տարիներ շարունակ մարդիկ բարձրաձայնում են այս խնդրի մասին։ Ես ձեզ հավատացնում եմ, որ սա բխում է հանրային շահից»,- ասաց նա՝ նշելով, որ կրպակատերերին փոխհատուցման հարց չի կարող քննարկվել, քանի որ դրանք իրավական կարգավիճակ չունեին։
Քաղաքապետարանի ներկայացուցչի խոսքով, քննարկումներ կան նաև Փեթակի, Մալաթիայի շուկայի հարևանությամբ գործող կրպակների ապամոնտաժման վերաբերյալ։
Մանրամասն՝ տեսանյութում։
