Այս ճգնաժամը չի առաջացել Ռուսաստանի կողմից Ուկրաինայի վրա հարձակման հետևանքով, այլ Ուկրաինայում պետական ​​հեղաշրջման հետևանքով, որը աջակցվել և հրահրվել է Արևմուտքի կողմից, ապա՝ Ուկրաինայի այն շրջանների և Ուկրաինայի այն մարդկանց դիմադրությունը ճնշելու փորձերի և այն մարդկանց, ովքեր չեն ընդունել այս հեղաշրջումը, չեն աջակցել դրան: Այս մասին՝ ՏԱՍՍ-ի փոխանցմամբ, ՇՀԿ ղեկավարների հետ հանդիպմանը հայտարարել է ՌԴ նախագահ Վլադիմիր Պուտինը։

Նրա խոսքով՝ պետական ​​հեղաշրջման արդյունքում հեռացվել է երկրի քաղաքական ղեկավարությունը, որը չի աջակցել Ուկրաինայի անդամակցությանը ՆԱՏՕ-ին։ Միևնույն ժամանակ, Պուտինը նշել է, որ Կիևի հնարավոր անդամակցությունը Հյուսիսատլանտյան դաշինքին ուղղակի սպառնալիք է ներկայացնում Ռուսաստանի անվտանգության համար։

Նա կրկին կոչ է արել վերացնել ճգնաժամի հիմնական պատճառները, որպեսզի վերականգնվի անվտանգության ոլորտում արդար հավասարակշռությունը, և Ուկրաինայում ռազմական հակամարտության կարգավորումը լինի կայուն և երկարաժամկետ։ Պուտինը նաև հույս է հայտնել, որ Թրամփի հետ իր հանդիպման ժամանակ ձեռք բերված ըմբռնումները կբացեն խաղաղության ճանապարհը։

«Անվտանգության ոլորտում ևս պետք է վերականգնվի արդար հավասարակշռությունը»,- նշել է նա:

ՇՀԿ գագաթնաժողովին մասնակցում են ավելի քան 20 երկրների առաջնորդներ, ինչպես նաև միջազգային կազմակերպությունների ներկայացուցիչներ։