Այսօր ձերբակալվել է Երևանի քաղաքապետարանի ևս մեկ պաշտոնյա: Այս մասին հայտնում է քաղաքապետի մամուլի քարտուղար Հայկ Կոստանյանը:
«Հարգելի՛ գործընկերներ,
տեղեկացնում եմ, որ դեռևս նախորդ ամիս Երևանի քաղաքապետարանի պաշտոնյանների ձերբակալությունից հետո, նշված գործի շրջանակում այսօր ձերբակալվել է Երևանի քաղաքապետարանի ևս մեկ պաշտոնյա։
Լրացուցիչ տեղեկությունների համար կարող եք դիմել ՀՀ հակակոռուպցիոն կոմիտե»,-գրել է նա:
Factor.am-ի տեղեկություններով` այսօր առավոտյան Հակակոռուպցիոն կոմիտեն ձերբակալել է Երևանի քաղաքապետարանի աշխատակազմի կոմունալ տնտեսության վարչության պետ Արսեն Կարոյանին: Նշենք, որ նա այս պաշտոնում նշանակվել էր դեռևս 2020 թվականին, քաղաքապետ Հայկ Մարությանի պաշտոնավարման ժամանակ: Մեր տեղեկություններով` նա ձերբակալվել է կաշառք ստանալու կասկածանքով: Հակակոռուպցիոն կոմիտեի մամուլի խոսնակը Factor.am-ի հարցին ի պատասխան՝ ասաց, որ տեղյակ չէ, կհայտնի տեղեկությունը ճշտելուց հետո։
