Փետրվարի 28-ին TV5-ի հարցազրույց հաղորդման ժամանակ ՀՀ երկորորդ նախագահ Ռոբերտ Քոչարյանի գրասենյակի ղեկավար Բագրատ Միկոյանը՝ անդրադառնալով Հայաստանի տնտեսական վիճակի մասին հարցին, ասաց․
«Շատ մեծ պարտք ունենալը լավ բան չի։ Հենց ինչ-որ բան խոսում ես, ասում են՝ ասֆալտ ենք արել։ Մի տեսակ այն տպավորությունն է, որ հայ ժողովրդի բոլոր իզձերն ու երազանքները ասֆալտի շուրջ են պտտվում, կամ էս ժողովուրդը կյանքում ասֆալտ չի տեսել։ Տարիքով մարդկանց եմ դիմում՝ հիշեք մինչև 98-99 թվականներին Հայաստանի ճանապարհները ու հիշեք 2000-2008 թվականները, հիշեք, որ արտաքին պարքը չի ավելացել, հիշեք, որ էդ ճանապարհները սարքում էին ձեր վրա մուննաթ չէին գալիս ամեն կառավարության նիստից, պարտականություն ա՝ արել եք։
Սիրելի ժողովուրդ, հասկացեք 7 մլրդ արտաքին պարտք են ավելացրել, ձեր հաշվին են վերցրել։ Երևանում մի մետրոյի կայան չեն կարողանում սարքեն։ 7 մլրդ-ով Երևանում կարելի էր սարքել 70 հատ մետրոյի կայարան, ամեն շենքի տակ կլիներ մի հատ մետրոյի կայարան։ Ադրբեջանում այդ ընթացքում՝ 20 թվականից հետո, մենակ Բաքվում 3 մետրոյի կայարան ա բացվել նոր, 3 հատ միջազգային օդանավակայան։ Ձեր հաշվին պարտք են վերցնում, դուք նույն ձևի պրոբկեքով, տանջվելով եք շարժվում, մի հատ մետրոյի կայարան չեն սարքել։ Սրանք սկի ձյուն չեն կարում մաքրեն»։
Մանրամասն՝ տեսանյութում։
