«Պարո՛ն Գաբրիելյան, միայն 2026 թվականի յոթ ամիսների ընթացքում ոչ մարտական պայմաններում ունեցել ենք ութ մահ: Սա ուղղակի խայտառակություն է:

Ես ուզում եմ, որ դուք ձեր պատկերացումները ներկայացնեք, թե այս ողբերգական իրավիճակը ոնց կարելի է հաղթահարել՝ մի քանի կետերով: Ես, իհարկե, հասկանում եմ, որ լուծումը պարզունակ չէ, ավելի կոմպլեքս լուծումներ են անհրաժեշտ, բայց քանի որ դուք առաջիկայում՝ հավանաբար մեկ օր հետո, կլինեք պրոֆիլային հանձնաժողովի ղեկավար, ենթադրում եմ, որ արդեն ունեք պատկերացումներ, թե այդ խնդիրները ոնց պետք է հաղթահարվեն:

Եվ այստեղ նաև ուզում եմ, որ դուք անպայմանորեն խոսեք քաղաքական պատասխանատվության մասին: Տեսե՛ք, Ազատ գյուղում ողբերգական 15 մահից հետո նույնիսկ որևէ քաղաքական պատասխանատվության դրվագ չի ֆիքսվել, ոչ մի քաղաքական հրաժարական այդ առումով չի եղել: Այստեղ ուզում եմ զուգահեռ անցկացնել՝ ոչ թե հակադրության, այլ ուղղակի երևույթների քննարկման մասով:

Երբ նախորդ խորհրդարանում դուք ձեր պատգամավորական մանդատը վայր դրեցիք՝ հավանաբար պատգամավորին ոչ վայել վարքագծի դրսևորման բերումով, դա քաղաքական դիրքավորում էր, քաղաքական պատասխանատվության դրսևորում:

Հիմա, երբ խոսքը հասնում է նրան, որ զինված ուժերում ունենում ենք ողբերգական մահերի դեպքեր, քաղաքական պատասխանատվության որևէ դրսևորում չի լինում: Ես իսկապես ուզում եմ, որ դուք խոսեք նաև այս՝ քաղաքական պատասխանատվության ինստիտուտի մասին»,- նման հարցադրմամբ «Հայաստան» խմբակցության ղեկավար Աննա Գրիգորյանը դիմեց ՔՊ-ական Վիլեն Գաբրիելյանին։

Մանրամասն՝ տեսանյութում։