Փաշինյանի կառավարությունը այսօրվա՝ օգոստոսի 6-ի նիստում երկրորդ խոշոր վարկը վերցնելու որոշումը կայացրեց։
Համաշխարհային բանկի հետ 2025 թվականի հոկտեմբերի 17-ին և 2026 թվականի փետրվարի 23-ին տեղի ունեցած բանակցությունների արդյունքում Հայաստանի Հանրապետության և Վերակառուցման և զարգացման միջազգային բանկի միջև 2026 թվականի հունիսի 3-ին և 8-ին ստորագրվել է 170,3 մլն եվրո արժողությամբ (200 մլն ԱՄՆ դոլարին համարժեք) «Հայաստանի տնտեսական վերափոխման զարգացման քաղաքականության վարկ» վարկային համաձայնագիրը, որը նպատակաուղղված է ՀՀ-ում մրցակցային միջավայրի բարելավմանը և ներդրումների ներգրավվմանը:
Համաձայնագրի վարկավորման պայմաններն են՝
- վարկի գումար` 170.3 մլն եվրո,
- վարկային միջոցների մասհանման եղանակ՝ մեկ տրանշով տրամադրված վարկից մասհանման հայտեր ներկայացնելու միջոցով,
- վարկի տարեկան տոկոսադրույք՝ 6-ամսյա Euribor + փոփոխական սպրեդ, 19.06.2026թ. դրությամբ տոկոսադրույքը կկազմի 3.932% (6-ամսյա Euribor` 2.622%, սպրեդ՝ 1.31%),
- վարկի ժամկետ՝ 28 տարի, որից արտոնյալը՝ 10 տարի: Վարկի մարումները կատարվում են հավասարաչափ կիսամյակային վճարումներով, ընդ որում առաջին վճարումը՝ 2036թ. հունիսի 15-ին, իսկ վերջինը՝ 2053թ. դեկտեմբերի 15-ին,
- պարտավորության վճար՝ տարեկան 0.25% դրույքաչափ, հաշվարկվում է վարկի չմասհանված գումարի նկատմամբ, պայմանագրի ստորագրումից 60 օր հետո, վճարվում է կիսամյակային կտրվածքով, տոկոսավճարների վճարման հետ միաժամանակ,
- միանվագ կոմիսիոն վճար՝ վարկի գումարի 0.25%-ի չափով, որը պետք է վճարվի վարկառուի սեփական միջոցների հաշվին ոչ ուշ, քան Համաձայնագրի ուժի մեջ մտնելուց հետո 60 օրվա ընթացքում,
- վարկի սպասարկման գծով վճարումները կատարվում են կիսամյակային կտրվածքով` յուրաքանչյուր տարվա հունիսի 15-ին և դեկտեմբերի 15–ին,
- վարկառուն իրավունք ունի վարկի մասհանված մնացորդի լողացող տոկոսադրույքը փոխարկել ֆիքսված տոկոսադրույքի, և հակառակը, ինչպես նաև կատարել արժույթի փոփոխություն,
- վարկի սպասարկման և մարման արժույթ՝ եվրո,
- վարկային միջոցների մասհանումների վերջնաժամկետ՝ 30.09.2027թ:
Հիշեցնենք՝ կառավարությունն այսօրվա՝ օգոստոսի 6-ի նիստում ևս մեկ վարկի համաձայնություն կայացրեց՝ 150 մլն դոլար։
