ՀՀ ուժային եռամարտի ֆեդերացիայի և ՀՀ հաշմանդամային սպորտի Ֆեդերացիայի նախաձեռնությամբ երեկ՝ նոյեմբերի 23-ին, տեղի ունեցավ Սեղմում հենարանից Հայաստանի 2025 թվականի առաջնությունը:
Մրցաշարին մասնակցեցին ավելի քան 110 մարզիկ Հայաստանի տարբեր շրջաններից, ինչպես նաև Արցախից։ Հայաստանի ուժային եռամարտի ֆեդերացիայի նախագահ Լևոն Քոչարյանի խոսքով՝ մրցումների հիմնական նպատակը եղել է ոչ միայն մարզական արդյունքները, այլև մասնակիցների ոգևորությունը բարձրացնելը։
«Շատ ավելի պարտավորեցնող դարձավ այս ամենը հատկապես 2020 թվականի 44 օրյա պատերազմից հետո, երբ, ցավոք, ունեցանք էլ ավելի շատ զինհաշմանդամներ։ Բայց մյուս կողմից նման միջոցառումներով փորձում ենք մարդկանց ավելի մասնակիցը դարձնել սպորտի միջոցով կյանքին, մարզվելուն, ևս մի ավել նպատակ ունենալու կյանքի մեջ, և շատ ուրախ ենք, որ շատ մեծ ներգրավվածություն ունեն մեր մրցաշարերին և ամեն տարի էլ ավելի լավ արդյունք են ցուցաբերում»,- նշել է նա։
Այս տարվա մրցաշարը նաև առանձնահատուկ էր նրանով, որ հաշմանդամության կարգ ունեցող մարզիկները մրցել են նաև ոչ հաշմանդամություն ունեցողների հետ։
Մանրամասն՝ տեսանյութում։
