Ձեր հարցը ինձ համար հասկանալի չէ։ Այս մասին իր գործով դատական նիստից հետո լրագրողների հետ զրույցում ասաց ՀՀ երկրորդ նախագահ Ռոբերտ Քոչարյանը՝ պատասխանելով ՀՀ ղեկավարի պաշտոնին հավակնելու մասին հարցին:
«Եթե խոսքը գնում է քաղաքականությամբ զբաղվել-չզբաղվելուն, ապա ես 2008 թվականի ապրիլի 9-ից հետո քաղաքականությամբ չեմ զբաղվել, 2018 թվականին քաղաքականությունը սկսեց զբաղվել ինձնով։ Ես եղել եմ նախագահի պաշտոնում և վարչապետի պաշտոնում և այդ պաշտոնը էն քաղցրությունը չունի, չտես մարդիկ կարող են կպնել, և կարծել, թե դա իրենց կյանքի վերջին երազանքն է։
Ես չեմ զբաղվել քաղաքականությամբ, բայց երկիրն այնպիսի վտանգների տակ է հայտնվել և այնպիսի արհավիրքների տակ է հայտնվել, և այդ ամբողջական պատկերը, այո, ինձ ստիպել է վերադառնալ քաղաքականություն։ Եվ մինչև այդ սպառնալիքները չվերանան, իմ իրավունքն է և իմ թիմի իրավունքն է զբաղվել քաղաքականությամբ»,- նշեց նա։
Մանրամասները՝ տեսանյութում:
