«2025 թվականի հունիսի 18-ին, Երևան քաղաքի ընդհանուր իրավասության քրեական դատարանի դատավոր Կարապետյանի կողմից, բացառապես՝ «մեր ձևով կմասնակցենք Մայր Աթոռի պաշտպանությանը» հարցազրույցի համար կալանքը կիրառվում է Սամվել Կարապետյանի նկատմամբ 2 ամիս ժամկետով։ Դատարանը գտնում է, որ հիմքերի տեսանկյունից առկա է խոչընդոտելու ռիսկ հարցազրույցի նկատմամբ, որը զննվել էր, գտնվում էր քննիչի չհրկիզվող պահարանում, մինչ օրս էլ այնեղ է։ Այնուհետև դատարանը գտել էր, որ իբրև կա թաքնվելու ռիսկ, այն պարագայում, որ Սամվել Կարապետյանը հենց ինքն էր ինքնակամ ներկայացել։ Նշված դատական ակտի դեմ ներկայացվել էր վերաքննիչ բողոք, Արմեն Դանիելյանը այն, իհարկե, մերժել էր և դրանից հետո դարձել է Վճռաբեկ դատարանի դատավոր։ Սա փաստերի խրոնոլոգիան էր»,- այս մասին լրագրողների հետ զրույցում նշեց Սամվել Կարապետյանի պաշտպանական խմբի անդամ Արամ Վարդևանյանը։
Շարունակելով խոսքը, նա նշեց, որ նշված որոշմանը հաջորդել է կրկին միջնորդության ներկայացում՝ օգոստոսի 11-ին քննության առնվեց արդեն Հակակոռուպցիոն դատարանում, քանի որ կար նոր մեղսագրված տնտեսական բնույթի մեղադրանք։
«Դատավոր Դավթյան Տիգրանը քննության առնելով նշված միջնորդությունը, բավարարեց այն, երկու ամսով երկարաձգեց կալանքը, կրկին գտավ, որ առկա իբրև խոչընդոտելու ռիսկերի չհրկիզվող պահարանում գտնվող տեսանյութի վերաբերյալ։ Գտավ, որ առկա է թաքնվելու ռիսկ, բայց միաժամանակ արձանագրեց, որ տնտեսական բնույթի մեղադրանքի տեսանկյունից չկա հիմնավոր կասկած։
Դե, բնականաբար, ինչպե՞ս պետք է լինի, օրվա քննչական կոմիտեն մշտապես, եթե արձանագրում է , որ կա հարկեր, տուրքեր չվճարելու, ենթադրյալ հանցակազմ, ուրեմն, ի՞նչ կա նաև, կա փողերի լվացում, եթե կա փողերի լվացում, ուրեմն, կա հափշտակություն։ Այն հայտնի անեկդոտի պես, եթե քառակուսի է մեջը կլորը, եթե կլոր է, ուրեմն՝ նարնջագույն է»,- ասաց փաստաբանը։
Մանրամասն՝ տեսանյութում։
