«Զանգեզուրի միջանցքը», որպես թուրքական ծրագիր, ունի 100-ամյա վաղեմություն։ Այս մասին «Թուրանի ճանապարհի հայկական սեպը» գրքի շնորհանդեսի ժամանակ ասաց գրքի համահեղինակ, թուրքագետ Վարուժան Գեղամյանը։
«Այս պահին մենք ականատես ենք լինում, թե ինչպես է տեղի ունեցողը ներկայացվում որպես ուղղակի ճանապարհի մասին զրույց, նաև հորինվել են տարբեր տերմիններ, որոնք առաջին հայացքից ոչ մի վնասակար բան իրենց մեջ չեն պարունակում՝ արտապատվիրակել և այլն, դրանք կարծես ոչ մի առնչություն չունեն որևէ վտանգավոր երևույթի հետ։ Իրականում մենք գործ ունենք փաստացի ամբողջական թուրքական ծավալապաշտական ծրագրի հետ և առաջին հերթին պետք է դա ներկայացնել, որովհետև այս շաբաթներին տեսնելու ենք այս թեմայով քարոզչության շեշտակի աճ, որը կոչված է լինելու հայ հասարակությանը ցույց տալ, որ սա ոչ մի վտանգ իր մեջ չի պարունակում։ Ընդ որում այդ քարոզչությունը գալիս է Թուրքիայից և Ադրբեջանից»,- նշեց նա։
Մանրամասն՝ տեսանյութում։
