Եվրամիությունը կորցնում է իր դիրքերն ու ներուժը․ Պուտին

18 Նոյեմբերի, 2026

Ռուսաստանի նախագահ Վլադիմիր Պուտինը հայտարարել է, որ մեծ ակնկալիքներ ունի Չինաստանի նախագահ Սի Ցզինպինի և ԱՄՆ նախագահ Դոնալդ Թրամփի հետ առաջիկա եռակողմ հանդիպումից։ Այս մասին նա ասել է Ասիա-խաղաղօվկիանոսյան տնտեսական համագործակցության (ԱԽՏՀ) Գործարար խորհրդին ուղղված ուղերձում՝ նշելով, որ հանդիպումը կարող է «մեծ հնարավոր օգուտ» բերել։

Պուտինն անդրադարձել է նաև Ռուսաստանի տնտեսական ցուցանիշներին։ Նրա խոսքով՝ վերջին երեք տարում երկրի ՀՆԱ-ն աճել է ավելի քան 10 տոկոսով և շարունակում է աճել, իսկ պետական պարտքը կազմում է ՀՆԱ-ի շուրջ 17 տոկոսը։ Նա նշել է, որ Ռուսաստանը շարունակում է մնալ աշխարհի խոշորագույն տնտեսություններից մեկը։

ՌԴ նախագահը պնդել է, որ Ռուսաստանը թվային վերափոխման առաջատարների շարքում է, իսկ ռուսական առցանց առևտրային հարթակները աշխարհի տասնյակի մեջ են։ Նա նաև հայտնել է, որ 2027 թվականի հունվարի 1-ից Ռուսաստանի Հեռավոր Արևելքում կգործի միասնական արտոնյալ ռեժիմ։

Խոսելով միջազգային տնտեսական հարաբերությունների մասին՝ Պուտինը հայտարարել է, որ Ռուսաստանը դարձել է իր դեմ կիրառված պատժամիջոցների թվով «համաշխարհային ռեկորդակիր», սակայն պատվով հաղթահարել է փորձությունները։ Նրա խոսքով՝ Եվրամիությունը չի կարողացել հարմարվել ռուսական շուկայից և էժան էներգակիրներից հրաժարվելուն, ինչի հետևանքով կորցնում է իր դիրքերն ու ներուժը։

Պուտինը նաև հայտարարել է, որ համաշխարհային տնտեսությունում նախկին գերիշխող ուժերի գործիքներն այլևս չունեն նախկին ազդեցությունը, իսկ նախկին հեգեմոնները ոչ համարժեք են ընկալում ավելի արդար աշխարհակարգի ձևավորումը։ Նա հույս է հայտնել, որ Ռուսաստանը աջակցություն կստանա 2035 թվականին ԱԽՏՀ-ում նախագահելու իր հայտին։

Նմանատիպ նյութեր

ՔՊ-ն հանրաքվե նախաձեռնելու մանդատ չի ստացել․ Լևոն Քոչարյան

ՔՊ-ն հանրաքվե նախաձեռնելու մանդատ չի ստացել․ Լևոն Քոչարյան

«Հայաստան» խմբակցության պատգամավոր Լևոն Քոչարյանը ԱԺ նիստի ընդմիջման ժամանակ լրագրողների հետ զրույցում, անդրադառնալով նրան, որ ՔՊ-ն առաջարկել է, որ իրենք ընդդիմության նախագծերին կողմ քվեարկեն, ընդդիմությունն էլ կողմ լինի, որ նոր Սահմանադրության նախագիծը դրվի...

Թվերն ինձ ուղարկելուց առաջ մի հատ էլ ձեզ ուղարկեք, որ երկուսով էլ իմանանք․ Մեսրոպյանը՝ Հովհաննիսյանին

«Դուք ներկայացնում եք միջին աշխատավարձի ցուցանիշը։ Կարո՞ղ եք ասել՝ մեր աշխատողների քանի՞ տոկոսն է միջին աշխատավարձից ցածր վարձատրվում։ Այսինքն՝ բնակչության քանի՞ տոկոսն է միջինից ցածր աշխատավարձ ստանում։ Եվ հաջորդը՝ քանի՞ տոկոսն է ստանում...

TRIPP-ի հիմնական տեխնիկական պարամետրերը պետք է համաձայնեցվեն Բաքվի հետ․ Բայրամով

TRIPP-ի հիմնական տեխնիկական պարամետրերը պետք է համաձայնեցվեն Բաքվի հետ․ Բայրամով

«Թրամփի ուղի» (TRIPP) նախագծի՝ Հայաստանի տարածքում նախատեսվող 42 կմ երկարությամբ տրանսպորտային միջանցքի տեխնիկական պարամետրերը պետք է համաձայնեցվեն Ադրբեջանի հետ։ Ադրբեջանական լրատվամիջոցների հաղորդմամբ՝ այս մասին ասել է Ադրբեջանի ԱԳ նախարար Ջեյհուն Բայրամովը՝ Բաքվում...

1,3 միլիարդ դոլար ճեղքվածք ունի մեր բյուջեն․ Նարեկ Կարապետյան

  «Գիտեք, ֆինանսների նախարարը մի քանի մակրոթիվ գոնե իր երկրի բյուջեից պետք է իմանա՝ ճեղքվածքը, ծախսերը, եկամուտները։ Ես դեռ խնայել եմ, չեմ հարցրել այլ բաներ, ես ուղղակի հարցրել եմ երկրի ճեղքվածքի մասին․ 1,3 միլիարդ դոլար ճեղքվածք ունի...

Ընտրակաշառք խոստանալու գործով անցնող Մասիսի համայնքապետի ՔՊ-ական թեկնածուն մինչ այս պահը չի հարցաքննվել

Ընտրակաշառք խոստանալու գործով անցնող Մասիսի համայնքապետի ՔՊ-ական թեկնածուն մինչ այս պահը չի հարցաքննվել

Երեխային հեռախոս խոստացած Մասիսի համայնքապետի «Քաղաքացիական պայմանագիր» կուսակցության թեկնածուն մինչ այս պահը չի հարցաքննվել։ «Փաստինֆո»-ի հաղորդմամբ՝ այդ մասին այսօր հայտարարել է Հովհաննես Հակոբյանն անձամբ։ Ավելի վաղ գրել էինք, որ Մասիս համայնքի ՔՊ-ական թեկնածու...