Եթե Կիևի ռեժիմը չցանկանա Ուկրաինայում հակամարտության խաղաղ կարգավորում, Ռուսաստանը կլուծի բոլոր խնդիրները ռազմական ճանապարհով։ Regnum-ի փոխանցմամբ՝ այս մասին դեկտեմբերի 27-ին հայտարարել է Ռուսաստանի նախագահ Վլադիմիր Պուտինը։
Ռուսաստանի ԶՈՒ հրամանատարական կետում կայացած հանդիպման ժամանակ նա նշել է, որ Ուկրաինայի ղեկավարությունը չի շտապում խաղաղ ճանապարհով լուծել հակամարտությունը, չնայած այն հանգամանքին, որ Արևմուտքում կան մարդիկ, ովքեր խորհուրդ են տալիս Կիևին ընդունել կարգավորման համար պատշաճ պայմաններ։
«Եթե Կիևի իշխանությունները չցանկանան հարցը լուծել խաղաղ ճանապարհով, մենք մեր առջև ծառացած բոլոր խնդիրները կլուծենք զինված ուժերի կիրառմամբ՝ հատուկ ռազմական գործողության միջոցով»,- ընդգծել է Պուտինը։
