Մի խումբ քաղաքացիներ, որոնք կիբերխարդախության զոհ են դարձել, այսօր՝ դեկտեմբերի 25–ին, հերթական բողոքի ակցիա են իրականացրել, այս անգամ ՀՀ գլխավոր դատախազության դիմաց։
«Սա մեր հինգերորդ բողոքի ակցիան է, սա դատախազության առաջ արդեն երկրորդ, երեքը եղել են քննչական կոմիտեում: Նախորդիվ բողոքի ակցիաների ընթացքում մենք միայն ու միայն հանցագործությունների մասին հաղորդումներ ենք մուտք արել, որոնք եղել են 200-ից ավելի: Ի դեպ, ուզում եմ հնչեցնել այն թիվը, որ նախքան մեր բողոքի ակցիաները ինչ հանցագործության մասին հաղորդումներ էին եղել, օրինակ պատկան մարմիններում, ոստիկանությունում, ենթադրենք, ներքին գործերի նախարարությունում, ահազանգ էր եղել ընդամենը չորսը, պատկերացնու՞մ եք չորս ահազանգ ոստիկանություն, 220-ից ավել դիմում բողոքներ «հանրային վերահսկողություն» հասարակական կազմակերպություն: Սա ակնհայտորեն անվստահություն է պետական մարմինների նկատմամբ: Եվ մենք պետք է վերականգնենք այս վստահությունը, պետք է գործարկենք այս ինստիտուտները, որ աշխատեն, որ քաղաքացիների վստահությունը բարձրանա: Հակառակ դեպքում այս անվստահությունը կխորանա, իսկ մենք այդ անվստահությունը չենք հանդուրժելու: Եթե քաղաքացիները այդ կերպով անվստահություն են հայտնում, ապա մենք գնալու ենք ծայրահեղ քայլերի, փակելու այդ պետական մարմինների դռները: Դա կլինի քննչական կոմիտե, դա կլինի դատախազություն, դա կլինի կառավարություն։ Եթե որևէ պատկան մարմին չի ծառայում Հայաստանի Հանրապետության քաղաքացուն, ապա դա բորբոքված կույր աղիք է»,- ակցիայի ընթացքում հայտարարեց «Հանրային վերահսկողություն» ՀԿ նախագահ Մհեր Կարագոզյանը:
Մանրամասն՝ տեսանյութում։
