Հուշագիրը հիմնված է «գործողություն՝ գործողության դիմաց» սկզբունքի վրա. եթե ԱՄՆ-ը չկատարի իր պարտավորությունները, ապա Իրանի Իսլամական Հանրապետությունը նույնպես չի կատարի իր պարտավորությունները։ Այս մասին հայտարարել է Իրանի խորհրդարանի նախագահ Մուհամմադ Բաղեր Ղալիբաֆը:
«Հուշագրի շրջանակներում մեր ստանձնած յուրաքանչյուր պարտավորություն հիմնված է «գործողություն՝ գործողության դիմաց» սկզբունքի վրա։ 13-րդ կետը նույնպես ձևակերպվել է հենց այդ հիմքով։ Սա նշանակում է, որ եթե ԱՄՆ-ը չկատարի իր պարտավորությունները, մենք ևս որևէ գործողություն չենք իրականացնի։
Թշնամին ձգտում էր մեր երկրում անկայունություն ստեղծել և հասնել իշխանափոխության։ Վերջին պատերազմի առաջին 12–20 օրերի ընթացքում նույնիսկ որոշ բարեկամ երկրներ կարծում էին, որ Իրանի Իսլամական Հանրապետության վերջը եկել է։ Սակայն այսօր իրավիճակն այնպիսին է, որ բոլոր պետություններն ու ժողովուրդները սեփական աչքերով տեսան Իրանի Իսլամական Հանրապետության ուժն ու հզորությունը։
Մեր դիրքորոշումը հստակ է. այնտեղ, որտեղ ԱՄՆ-ը չի կատարում իր պարտավորությունները, անհնար է, որ Իրանի Իսլամական Հանրապետությունը կատարի իր պարտավորությունները»։
