«Վարչապետի գործողությունները որևէ կապ չունեն միջամտության հետ։ Եկեղեցու գործերին որևէ մեկը չի միջամտում։ Վարչապետի կամ այլ պաշտոնատար անձի պատարագին մասնակցությունը քաղաքացու հավատքի դրսևորում է, ոչ թե պաշտոնական քայլ»,— ԱԺ-ում ճեպազրույցի ընթացքում ասաց արդարադատության նախարար Սրբուհի Գալյանը՝ պատասխանելով այն դիտարկմանը, որ Փաշինյանի մասնակցությունը «պատարագին» շարունակում է մեծ քննարկումներ առաջացնել թե՛ հանրության, թե՛ քաղաքական շրջանակների շրջանում։
Նրա խոսքով՝ եկեղեցին սահմանադրական կարգի մաս չի հանդիսանում, ուստի վարչապետի պատարագին մասնակցությունը չի կարող դիտվել որպես լիազորությունների գերազանցում։
Անդրադառնալով հրապարակված կադրերին, որտեղ անվտանգության աշխատակիցը քաղաքացուն դուրս է բերում եկեղեցուց, նախարարը նշեց․ «Եթե բռնարարք է եղել, դա քննադատելի և օրենքով պատժելի է։ Կրկնում եմ, չեմ տեսել կադրերը, բայց եթե դեպքը տեղի է ունեցել, իրավապահ մարմինները պետք է քննեն դեպքը և համապատասխան արձագանք տան»։
Մանրամասն՝ տեսանյութում։
